Recent Posts

12/10/2020

முசிறி அண்ணா தர்ம சாஸ்திரத்தில் இருந்து நாம் ஒரு வருடத்தில் நம் பெற்றோர்களை உத்தேசித்து செய்யக்கூடிய தான ஷண்ணவதி தர்ப்பணம் விவரங்களை மேலும் தொடர்கிறார்.

அதில் நாம் இப்பொழுது பார்த்துக் கொண்டு வரக்கூடிய தான அஷ்டகா புண்ணியகாலம். மிகவும் முக்கியமானது ஒன்று


நாற்பது சம்ஸ்காரங்களில் இதுவும் ஒன்றாக நமது மகரிஷிகள் காண்பிக்கின்றனர். சப்த பாத யஞ்கியங்களில் ஒன்று. ஹௌபாசனம் செய்கின்றவர்கள், அனைவரும் செய்ய வேண்டியது இந்த அஷ்டகா புண்ணியகாலம்.


இது நித்தியமாக சொல்லப்பட்டு இருக்கிறது அதாவது கட்டாயம் செய்ய வேண்டும். (பிரத்தியவாயம்) அதாவது செய்யாமல் விட்டால் வரக்கூடிய தான பாவத்திற்கு இந்தப் பெயர்.

ஆனால் இந்த அஷ்டகா புண்ணிய காலத்திற்கு செய்யாமல் விட்டால் தோஷங்களும் சொல்லப்பட்டிருக்கிறது. #நரகம்தான்_கிடைக்கும்_இந்த_அஷ்டகா #புண்ணிய_காலத்தை_செய்யாவிடில் #என்று_தர்ம_சாஸ்திரம்_காண்பிக்கிறது.


இப்படி நிறைய எச்சரிக்கைகள் செய்து அதை கட்டாயம் செய்ய வேண்டும் என்று காண்பிக்கின்றது. ஏன் இந்த அளவுக்கு முக்கியத்துவம் என்றால் புராணங்கள் இதனுடைய பெருமைகளை நிறைய காண்பிக்கின்றது.


*முக்கியமாக பிரம்ம வைவர்த்த/வாயு புராணங்களும் இதனுடைய பெருமையை காண்பிக்கின்றது. #ஸ்திரீகளுக்கு_மிகவும்_முக்கியமான #சிராத்தம்_இந்த_அஷ்டகா_ஸ்ராத்தம்.

பொதுவாக தர்ப்பணங்களில் தகப்பனார் வர்க்கம் செய்யும் பொழுதே தாயார் வர்க்கமும் சேர்ந்து வந்துவிடும். அதாவது எல்லா இடங்களிலும் பதியோடு சேர்ந்து வந்துவிடும். தகப்பனாருடன் தாயாருக்கும் அதில் பாகம் வந்துவிடும்.


முக்கியமாக சில இடங்களில் தாயாருக்கு தனி வரணம் உண்டு. விருத்தி அதாவது நாந்தி சிராத்தம். இதில் தாயார் வர்க்கத்திற்கு தனியாக பூஜை உண்டு. வருடாவருடம் தாயாருக்கு செய்யக்கூடிய தான ஸ்ராத்தம். கயாவில் செய்யக்கூடியது ஆன ஸ்ராத்தம். (மாத்துரு ஷோடசி), மற்றும் இந்த அஷ்டகா ஸ்ராத்தம்.


இவைகளில் எல்லாம் தாயார் வர்க்கத்திற்கு தனியாக பூஜை சொல்லப்பட்டிருக்கிறது. ஏன் அந்த அளவுக்கு முக்கியத்துவம் என்று இந்தப் புராணங்கள் சொல்லும் பொழுது, அதாவது நாம் வழக்கமாக தர்ப்பணம் செய்யும் பொழுது, ஸ்திரீகள் யார் யாரெல்லாம் உத்தேசித்து நாம் செய்கின்றோமோ, அவர்கள் அத்தனை பேரும் முக்கியத்துவம் வாய்ந்தவர்கள் இந்த அஷ்டகா சிராத்தத்தில்.


#மேலும்_ஸ்திரீகளுக்கு_பொதுவாகவே #நிறைய_எதிர்பார்ப்புகள்_இருக்கும்_அது #நிறைவேறவில்லை_என்றால்_அதற்காக #ஒன்றும்_வருத்தப்பட்டு_கொள்ள #மாட்டார்கள்_ஆனால்_அவர்களால்

#எதிர்பார்த்ததை_நாம்_நிறைவேற்ற #முடியவில்லை_என்பது_ஒரு #தாபம்தான்.


*அந்த மாதிரியான தாபங்களை இந்த அஷ்டகா சிராத்தம் மூலம் நிறைவேற்றப்படுகிறது என்பதை ஒரு சின்ன சரித்திரம் மூலம் பிரம்ம வைவர்த்த/வாயு புராணமும் காண்பிக்கிறது.*

#அதாவது_பித்ருக்கள்_மூன்று_விதமான பிரிவுகளாக இருக்கின்றனர். #சோமப் #பிதுர்மான்_பிதரோ_பரிகிஷதஹா, #அக்கினி_ஸ்வாதாஹா என்று மூன்று பிரிவுகள். இங்கு பிரிவு என்பது இவர்களுக்கு உள்ளேயே பிரிவு என்று நினைக்கக்கூடாது. ஸ்தானம் என்று பெயர். இதை தனித்தனியாகப் பிரித்துக் காண்பித்து இருக்கின்றனர்.


#அதிலே_இந்த_அக்னி_ஸ்வதாஹா #என்கின்ற_பிதுருக்கள்_யாகம் #செய்தவர்கள்_அக்னிஹோத்திரம் #செய்து_இந்த_பூமியிலே_யாகம_செய்த #ஸ்தானத்தை_அடைந்தவர்கள்.

ஒரு சமயம், இந்த அக்னி ஸ்வதாஹா என்கின்ற பிதுருக்கள் இடத்திலே ஒரு கன்னிகா இருந்தாள். ஒரு குழந்தை பெண். அவளுக்கு பெயர் அச்சோதா என்று பெயர். ஒருசமயம் அவள் வெளியிலே சஞ்சாரம் செய்து கொண்டு வரும்பொழுது, அமாவசு என்ற ஒரு பிதுர் வர்க்கத்தை சேர்ந்த ஒரு யுவா அவனைப் பார்த்து இவள் கல்யாணம் செய்துகொள்ள வேண்டும் என்று ஆசைப்பட்டாள்.


*கல்யாணம் செய்து கொள்ள வேண்டும் என்று ஆசைப்பட்டு அவனிடத்திலே கேட்கிறாள், அமாவசு என்கின்ற அவன், அவளைப் பற்றிய எந்த விவரமும் கேட்காமல் அவள் கேட்ட உடனேயே திருமணம் செய்து கொள்கிறேன் என்று சொன்னவுடன் இருவரும் தொப்பென்று இந்த பூலோகத்தில் வந்து விழுந்து விட்டனர்*

ஏனென்றால் அவர்கள் இருவரும் ஞாதிகள் (பந்துக்கள்) பங்காளிகள்.


#ஒரே_கோத்திரத்தில்_ஒருவருக்கொருவர்_திருமணம்_செய்து_கொள்ளக்கூடாது. இவர்களுக்குத் தெரியாமல் அப்படி கேட்டதினால், அவர்களுடைய அந்த பிதுர் பாவமானது போய்விட்டது, உடனேயே இங்கே பூமியில் வந்து விழுந்து விட்டார்கள்.


*எப்படி விழுந்தாள் என்றால் அந்த கன்னிகா அச்சோதா என்கின்ற ஒரு நதியாக ஆவிர்பவித்தாள். இந்த அமாவசு என்கின்ற அவர் ஒரு கல்லாக போய்விட்டார் அந்த நதிக்கரையில். இப்படி இந்த இரண்டு பேரும் பூமியிலே வந்து விழுந்து துக்கப்பட்டார்கள். அவர்களுக்கு நாம் இருவரும் ஒரே கோத்திரத்தை சேர்ந்தவர்கள் என்பது தெரிந்து போய்விட்டது.*


*மிகவும் துக்கப்பட்டு அழுதாள். இதைப் பற்றி தெரிந்த உடன் அக்கினி ஸ்வாதாஹா என்கின்ற பித்ருக்கள், எல்லோரையும் அழைத்துக் கொண்டு இங்கு வந்தார்கள். இரண்டு பேரையும் பார்த்து வருத்தப்பட்டார்கள் பிதுருக்கள்.*


*அவர்களுக்கு இந்த துக்கத்தில் இருந்து விடுபடுவதற்கு ஒரு வழியை சொன்னார்கள். என்ன என்பதை அடுத்த உபன்யாசத்தில் பார்ப்போம்.*

*11/10/2020*

முசிறி அண்ணா தர்ம சாஸ்திரத்தில் இருந்து நாம் ஒரு வருடத்தில் செய்யக்கூடியது ஆன தர்ப்பணங்களின் வரிசைகளை பார்த்துக்கொண்டு என்ற வகையிலே மேலும் தொடர்கிறார்.


அதிலே நாம் அடுத்ததாக பார்க்கக் கூடியதான மிக முக்கியமான புண்ணியகாலம் #அஷ்டகா_ஸ்ராத்தம். #திஸ்ரோஷ்டகா_என்று_பஞ்சாங்கத்தில் #போட்டிருப்பார்கள்.

*முதலில் இந்த அஷ்டகா புண்ணிய காலத்தை எப்பொழுது செய்ய வேண்டும், என்று பார்த்த பிறகு இதை நாம் எதற்காக செய்கிறோம் என்பதை தெரிந்து கொள்ள வேண்டும்.*


*இதற்கான ஒரு சரித்திரத்தையே தர்மசாஸ்திரம் நமக்கு காண்பிக்கிறது. மார்ககஷிச மாசம் புஷ்ய மாசம் மாக மாசம் பால் குண மாசம் இந்த அஷ்டா சிராத்தம் கூட சாந்திரமான படிதான் தர்மசாஸ்திரம் நமக்கு காண்பிக்கிறது.*

*மார்கழி மாதம் மாசி பங்குனி தை இந்த நான்கு மாதங்களிலும் கிருஷ்ணபட்ச த்தில் வரக்கூடிய, சப்தமி அட்டமி நவமி, இந்த மூன்று நாட்களில் நாம் இந்த புண்ணிய காலத்தை அனுஷ்டிக்க வேண்டும்.*

*இதனுடைய முக்கியத்துவத்தை பார்த்துதான் மகரிஷிகள் நமக்கு சப்த பாக யஞ்கியங்களில் இந்த அஷ்டகாவை தனியாக வைத்திருக்கிறார்கள்.*


*இந்த ஷண்ணவதி 96 தர்ப்பணங்களை நாம் பண்ணுகிறோம் குறைந்தபட்சம் ஒரு வருடத்தில். இதில் எந்த ஒரு புண்ணிய காலமும் பாக அல்லது ஹவிர் யஞ்கியங்களில் வரவில்லை.*

நாற்பது சம்ஸ்காரங்களிலும் வரவில்லை. #ஆனால்_இந்த_அஷ்டகா #ஸ்ராத்தம்_40_சம்ஸ்காரங்களில் #சொல்லப்பட்டிருக்கிறது.


*சப்த பாக யஞ்கியங்களில் ஒன்று தான் இந்த அஷ்டகா ஸ்ராத்தம். அந்த அளவுக்கு முக்கியத்துவம் வாய்ந்தது என்பதினால் தான் நாற்பது ஸம்ஸ்காரங்களில் இதை வைத்து கொடுத்திருக்கிறார்கள்*


இதிலிருந்து என்ன தெரிகிறது என்றால் இதை விடவே கூடாது என்பதைப் புரிந்து கொள்ள வேண்டும். எப்படி சீ மந்தத்தையும் குழந்தைக்கு ஜாத கர்மாவையும் விடக் கூடாதோ, நாம கர்மாவையும் செய்யாமல் இருக்கக் கூடாதோ, அதேபோல்தான் இந்த அஷ்டகா புண்ணிய காலத்தையும் செய்யாமல் இருக்கக் கூடாது என்று மகரிஷிகள் நமக்கு காண்பித்துள்ளனர்.

இதற்கு திஸ்ரோஷ்டகா என்று மூன்று புண்ணிய காலங்கள் வரும். மார்கழி மாதத்தில் வரக்கூடிய கிருஷ்ண பக்ஷத்தில் சப்தமி அஷ்டமி நவமி.

அதேபோல் தை/மாசி/பங்குனி மாதத்திலும் வரக்கூடிய கிருஷ்ண பக்ஷத்தில் சப்தமி அஷ்டமி நவமி இப்படி 3 நாட்களாக நான்கு மாதங்களும் வரும்.


இது மிகவும் முக்கியத்துவம் வாய்ந்தது. சௌனகர் என்கின்ற மகரிஷி சொல்கின்ற பொழுது, ஹேமந்த ருது சிசிர ருது மார்கழி தை மாசி பங்குனி இந்த நான்கு மாதங்களும், இந்த ருதுக்களில் வரும். இதை செய்யவேண்டுமென்று மகரிஷி நமக்கு காண்பித்திருக்கிறார்

ஸ்ராத்தம் பார்வனமாக செய்ய வேண்டும். பொதுவாக நாம் தர்ப்பணம் செய்யும் போது பிதுர் பிதாமஹ பிரபிதாமஹ மாத்ரு பிதாமஹி பிரபிதாமஹிகள் மாதாமஹ மாது பிதாமஹ மாது பிரபிதாமஹ, மாதாமஹி மாது பிதாமஹி மாது பிரபிதாமஹி இதுதான் வர்க்கத்துவயம் என்று சொல்கிறோம்.


இந்த வர்க்கத்துவயம் எப்படி ஆராதிக்கிறோம் என்றால், ஒவ்வொரு ஸ்ராத்தங்களிலும் ஒவ்வொரு விதமாக அனுஷ்டானம் செய்ய வேண்டும் என்று தர்ம சாஸ்திரம் சொல்கிறது.

தர்ப்பணம் ஆக நாம் செய்யும் பொழுது அதில் எந்த மாற்றமும் தெரியாது ஒரே மாதிரியாக செய்து விடுவோம். ஆனால் இதை சிராத்தம் ஆக செய்யும்பொழுது, அதில் நிறைய விசேஷங்கள் வருகிறது.


இந்த அஷ்டகா சிராத்தத்தில் எப்படி என்றால், தாயார் வர்க்கத்திற்கு தனியாக வரணம் செய்ய வேண்டும். பொதுவாக இந்த ஷண்ணவதி அனைத்து ஸ்ராத்தங்களிலும் தாயாரும் தகப்பனாரும் சேர்ந்துதான் ஒரு வர்க்கம். அதேபோல் மாதாமஹர் மாதா மஹி ஒரு வர்க்கம்.


ஆனால் ஒரு குறிப்பிட்ட சில இடங்களில் தாயாருக்கு தனியாக ஒரு வர்க்கம் சொல்லப்பட்டிருக்கிறது. அதாவது வருடாவருடம் நாம் தாயாரை உத்தேசித்து செய்யக்கூடிய சிராத்தத்தில், நாந்தி சிராத்தத்திலும் கயையில் செய்யக்கூடிய ஸ்ராத்தத்திலும், #தாயார்_வர்க்கத்திற்கு #தனியாக_வரணம்_உண்டு.


அதேபோல்தான் இந்த #அஷ்டகா #சிரார்த்தத்திலும்_தாயார்_வர்க்கத்திற்கு தனியாக ஒரு வரணம் சொல்லப்பட்டிருக்கிறது. ஏனென்றால் அங்குதான் விசேஷங்கள் நிறைய சொல்லப்பட்டிருக்கிறது.

*அந்த சரித்திரத்தை பார்க்கும்போது அந்த விஷயங்களை நாம் தெரிந்து கொள்ளலாம். பொதுவாகவே நாம் தகப்பனாரையும் தாயாரையும் ஒரு வர்க்கமாக செய்தாலும், எப்படி நாந்தி சிராத்தத்தில் தாயாருக்கு தனியாக ஒரு வர்க்கம் செய்கின்றோமோ, அதே போல் தான் இந்த அஷ்டகா சிராத்தத்திலும் தயாரித்து தனியாக செய்ய வேண்டும் என்று தர்ம சாஸ்திரம் சொல்கிறது.*


*அந்த அளவுக்கு முக்கியத்துவம் வாய்ந்தது. மேலும் இந்த அஷ்டகா சிராத்தத்தில் 4 மாதத்தில் மூன்று மூன்றாக 12 தர்ப்பணங்கள் வருகின்றன இந்த அஷ்டகா புண்ணியகாலம்.*

*இதை அன்ன சிராத்தம் ஆக காண்பித்திருக்கிறார்கள்* *மேலும் தர்ப்பணம் ஆக செய்யலாம் என்றும் காண்பித்து இருக்கிறார்கள். குறைந்தபட்சம் தர்ப்பணமாகவாது செய்ய வேண்டும் என்று சொல்லியிருக்கிறார்கள்.*


*இதை ஏன் அன்ன ரூபமாக செய்யக்கூடாது என்றால் செய்யலாம் ஆனால் நிறைய நியமங்கள் சொல்லப்பட்டிருக்கின்றன. மூன்று நாட்கள் இதை அனுஷ்டிக்க வேண்டிவரும். நியமங்கள் நிறைய சொல்லப்பட்டிருக்கிறது முடிந்தால் செய்யலாம். தர்ப்பணமாக செய்வதற்கு தர்ம சாஸ்திரத்தில் விசேஷங்கள் காண்பித்திருக்கிறார்கள்*


*இந்த அஷ்டகா தர்ப்பணத்தை செய்யாவிடில் தோஷங்களும் காண்பிக்கிறார்கள். இதை யார் தெரிந்து கொள்ள வில்லையோ அல்லது தெரிந்து கொண்டும் செய்யவில்லையோ, அவர்கள் தரித்திரம் ஆக போய்விடுகிறார்கள். அதாவது பணம் இல்லாமல் இருப்பவர்கள் தரித்திரர் கள் ஆகவும், அதேசமயம் பணம் இருந்தும் அனுபவிக்க முடியாதவர்களும் தரித்திரர்கள் என்ற ஒரு நிலையானது நமக்கு ஏற்படுகின்றது என்று ஒரு முக்கியத்துவம் சொல்லப்பட்டு இருக்கிறது இந்த அஷ்டகா புண்ணிய காலத்திற்கு.*



*மேற்கொண்டு அடுத்த உபன்யாசத்தில் பார்ப்போம்.*

parama ekadasi.

பரம ஏகாதசி 13.10.20

ஸ்ரீ யுதிஷ்டிர மகாராஜா இவ்வாறு வினவினார்.


ஓ மேன்மையான இறைவனே, புருஷோத்தம எனப்படும் லீப் வருட மாதத்தின் கிருஷ்ண பக்ஷ ஏகாதசி ஏன் பரம ஏகாதசி என அழைக்கப்படுகின்றது? அதன் சிறப்பு என்ன? அதனை எவ்விதமாக சிறப்புறஅனுஷ்டிக்க வேண்டும் என்பன போன்ற விபரங்களை அடியேனுக்கு உரைக்க வேண்டும்.


ஸ்ரீ கிருஷ்ண பரமாத்மா அதற்கு விளக்கமளிக்கிறார். ஓ யுதிஷ்டிரனே, இந்தப் பரம ஏகாதசி மிகவும் சிறப்பானது. அதனை முறையாக அனுஷ்டிப்போருக்கு சிறந்த புவி வாழ்வும் இறுதியில் பிறவிச் சுழலிலிருந்து விடுவித்து முக்தி நிலையையும் அளிக்க வல்லது. கார்த்திகை மாதத்தின் சுக்ல பக்ஷ ஏகாதசியை எவ்விதம் அனுஷ்டிக்கிறார்களோ அவ்விதமேதான் செய்ய வேண்டும். இந்த ஏகாதசியன்று உயிரினங்களிலேயே உயர்ந்த நரோத்தம் என அழைக்கப்படுகிற என்னை மிகுந்த அன்புடனும் பக்தியுடனும் ஆராதிக்க வேண்டும்.

இது விஷயமாக காம்பீல்ய நகரத்திலே ஒரு சிறந்த முனிச்ரேஷடரிடமிருந்து நான் தெரிந்து கொண்ட ஒரு அற்புதமான சரித்திரத்தைக் கேட்பாயாக.


சிறந்த பதிவிரதையான பவித்ரா என்ற மனைவியுடன் காம்பீல்ய நகரிலே சுமேதா என்ற தவசீலனான ஒரு பிராம்மணன் வசித்து வந்தான். கடந்த பிறவிகளின் பாப கர்மங்களினாலே அவன் மிகவும் வறியவனாக வாழ வேண்டி வந்தது. பலரிடம் யாசித்தும் அவனால் தேவையான அளவு உணவுப் பொருள்களைப் பெற முடியவில்லை. அவர்களுக்குத் தேவையான உணவோ உடைகளோ நல்ல இருப்பிடமோ இல்லை. இருந்த போதிலும் அந்த ஏழ்மை நிலையிலும் அவனுடைய அற்புதமான குணவதியான

இளம் மனைவி கண்ணும் கருத்துமாக சுமேதாவைக் கவனித்துத் தொண்டு புரிந்திருந்தாள். விருந்தினர் வந்தால் அவர்களுக்குத் தன்னுடைய உணவைக் கொடுத்து மகிழ்வாள் அவள். அப்போதும் அவள் தாமரை மலர் முகம் வாட்டமடையாது. ஆனால் இதனால் அவள் மேனி நலிந்து போனாலும் கணவனிடத்திலே கொண்ட அன்பு சிறிதும் குறையாது இருந்தது.

இவற்றை கண்டு தன் துரதிர்ஷடத்தை நொந்து கொண்ட சுமேதா மனைவியிடம் தான் தனவந்தர்களிடம் எவ்வளவோ கெஞ்சி யாசித்தும் தேவையான பொருட்களைப் பெற முடியவில்லையே என்ன செய்வேன் என்று புலம்பினான்.

நம்முடைய துன்பங்கள் தீர என்னதான் வழி? எப்படிப் போக்கிக் கொள்வது? தேவையான பொருளின்றி நம்மால் ஒரு சரியான வாழ்க்கையை நடத்த முடியாமலே உள்ளதே. வெளிதேசங்களுக்காவது சென்று பொருளீட்டி வரமுடியுமா என்று பார்க்கிறேன். அதற்கு என்னை அனுமதிப்பாயாக என்பதாக மனைவியிடம் கூறினான் சுமேதா.

அவ்விதமான ஒரு முயற்சியால் விதிப்படி எனக்கு அனுமதிக்கப்பட்டிருக்கும் பொருளினை நான் அடைந்திட முடியும் என்பதாகத் தோன்றுகிறது. முயற்சி செய்யாமல் ஒருவன் தன்னுடைய தேவைகளைப் பூர்த்தி செய்து கொள்ள முடியாதல்லவா?

ஊக்கமுடைய முயற்சி மங்களமானது என்று சான்றோர் கூறுவர். உற்சாகமாக முயற்சிகள் செய்பவன் நிச்சயமாக வெற்றியடைவான். என் விதி இப்படித்தான் என்று சும்மா இருப்பவன் சோம்பேறி எனப்படுவான்.

கணவன் இவ்வாறு கூறியதைக் கேட்ட மனைவி பவித்ரா கண்களில் கண்ணீருடன் கூப்பிய கரங்களுடன் அன்பாக மரியாதையுடன் கணவனிடம் பின் வருமாறு சொன்னாள். அன்பரே, உங்களை விட உயர்ந்தவரோ சிறந்த கல்விமானோ இருப்பதாகத் தெரியவில்லை. மிகுந்த துன்பங்களில் இருந்த போதும் மற்றவர் நலனைக் கருத்தில் கொண்டிருக்கும் உத்தமர்கள்கூட தாங்கள் கூறியது போலவே கூறியிருப்பர். இருந்த போதும் சாத்திரங்கள் ஒருவனது செல்வ வளம் அவன் கடந்த பிறவிகளில் செய்த தானதர்மங்களைப் பொறுத்தே அமைகிறது என்பதாகக் கூறுகின்றன. இவ்வாறு கடந்த பிறவிகளின் தான தர்ம பூர்வ புண்யபலன் அற்றோர் மேருமலை அளவிற்கான தங்க மலையின் மீது இருந்தாலும் அவன் ஏழையாகவே வாழ்வான் என்றும் பகர்கின்றன.

பாரமார்த்திக ஞானம், ஆன்மிகக் கல்வி, தேவையான செல்வம், சிறந்த குணம் பொருந்திய குடும்ப நபர்கள் இவ்வாறான மங்களங்கள் அனைத்தையும் ஒருவன் கடந்த பிறவிகளில் செய்த அளவிறந்த தான தர்ம பலனாலேயே அடைகிறான். ஒருவன் செய்திடும் நன்மைகள் அனைத்தும் பன்மடங்காக அவனிடம் திரும்புகிறது. விதாதா எனும் அதிர்ஷ்ட தேவதை வகுத்தபடியே அனைத்தும் நடைபெறுகிறது.

ஒருவனுடை கல்வியோ, திறமையோ அல்லது ஊக்கம் மட்டுமே ஒருவனுக்கு வாழ்வில் வெற்றியைத் தேடித் தருவதில்லை. வித்யாதானம், பூதானம், திரவிய தானம் போன்றவை ஒருவனுடைய எதிர்காலத்தில் பன்மடங்காய் அவனை வந்தடைகின்றன. இருதய சுத்தமாக அன்பாக அளிக்கப்படும் தான தர்மங்கள் பன்மடங்காய் மீண்டு வரும். நம்மைப் படைத்த அந்த மகாசக்தி எவ்வாறு நம்மை ஆசிர்வதிக்கிறாரோ அத்தனையும் ஒருவனுடைய வாழ்வில் உறுதியாய் கிடைத்திடும். கடந்த பிறவிகளிலே தர்மமாய் பகிராத ஒன்றை ஒருவரும் அடைந்திடுவதே இல்லை.

ஓ பிராமணோத்தமர்களில் சிறந்தவரே, இதனால் நீரோ நானோ சென்ற பிறவிகளில் சத்பாத்ரங்களுக்கு தான தர்மங்கள் ஒன்றும் அளித்திடவில்லை என்று தெரிய வருகிறது. அதனால்தான் ஏழ்மையில் வாடி நிற்கிறோம். எனது அன்புக்குரிய கணவராகிய தாங்கள் என்னை விட்டுப் பொருள் தேடுவதற்காக நீங்கலாகாது. தங்களை விட்டு நான் எவ்வாறு ஒரு கணம்கூட வாழ்ந்திடுவேன்?


சமூகத்தில் கணவரைப் பிரிந்த ஒரு பெண்ணை தாய் தந்தையரோ, மாமன் மாமியோ, மற்ற குடும்ப உறுப்பினரோ கூட வரவேற்பதில்லை. நீ துரதிர்ஷ்டசாலி கணவனைப் பிரிந்து விட்டாய் என்று தூஷணை செய்வார்கள்.


பதிவ்ரதையானவள் கணவனை சேவைகளால் மகிழ்வித்தலே உன்னதமான இன்பமாகவும் கடமையாகவும் வாழ்வின் ஒழுக்கமாகவும் கருதுவாள். வரும் காலங்களில் நமக்கு என்ன விதித்து உள்ளதோ அதனை சேர்ந்தே இன்பமாய் அனுபவிப்போம். என்றெல்லாம் பலவாறும் கூறி சமாதானப்படுத்தினாள் பவித்ரா.

மனைவியின் இத்தகைய வார்த்தைகளைக் கேட்டு சரி, சொந்தக் கிராமத்திலேயே இருந்து விடலாம் எனத் தீர்மானித்தார் சுமேதா.


இவ்வாறு நாட்கள் கடக்கையில் ஒரு நாள் மகரிஷி கௌண்டின்யர் அவர்களது கிராமத்திற்கு இல்லத்திற்கு வருகை புரிந்தார். கணவன் மனைவி இருவரும் அவரை தரிசித்துப் பணிந்தனர். மிகுந்த மரியாதையுடன் சிரம் தாழ்த்தி அவரை வணங்கி உங்களை இங்கு வரவேற்பதில் எங்களுக்கு மிகுந்த மகிழ்ச்சி என்பதாய் கூறினர். அவருக்கு நல்லதொரு ஆசனத்தை அளித்து மகரிஷிகளில் உன்னதமான தங்கள் விஜயத்தால் எங்கள் வாழ்க்கை புனிதமடைந்தது. நாங்கள் மிகவும் கடன் பட்டிருக்கின்றோம் என்றெல்லாம் பலவாறும் உபசார மொழிகளைக் கூறினர். பின்னர் அவர்களது சக்திக்கேற்ப உணவு தயாரித்து அன்புடன் கௌண்டின்ய மகரிஷிக்குப் போஜனம் செய்வித்தனர்.


பின்னர் சுமேதாவின் மனைவியான பவித்ரா மகரிஷியிடம் எங்கள் ஏழ்மை நிலை எதனை மேற்கொண்டால் அகலும்? கடந்த பிறவிகளில் தர்ம கார்யங்களில் ஈடுபட்டு புண்ணியம் பெற இயலாதவர்களும் இப்போது சிறந்த குடும்பம், வசதி, கல்வி போன்றவற்றை பெற்றிட யாது செய்திட வேண்டும் எனக் கேட்டார். என் கணவன் என்னை விட்டுவிட்டு வேறு தேசம் சென்று யாசித்து வருவதாகக் கூறிக் கொண்டுள்ளார். ஆனால் நான் அவரிடம் இங்கேயே இருக்குமாறு வேண்டிக் கொண்டிருக்கிறேன் என்றும் கூறினார். மேலும் முற்பிறவிகளில் போதுமான அளவிற்குத் தான தர்மங்கள் செய்யாத காரணத்தால் இப்போது ஏழ்மை நிலையில் உள்ளோம் என்று பலவாறும் நான் எடுத்துரைக்க அதனால் அவர் இங்கேயே தங்கி உள்ளார். தகுந்த நேரத்தில் தாங்கள் இப்போது எழுந்தருளியிருக்கின்றீர்கள். இனி எங்கள் ஏழ்மை நிலை முடிவிற்கு வரும் என்ற நிச்சயமான ஒரு நம்பிக்கை எங்களுக்குள் உதித்துள்ளது என்றும் கூறினார்.

பிராம்மணோத்தமரே, நாங்கள் விரதங்கள் கடைபிடிக்க வேண்டுமா, தீர்த்த யாத்திரை புரிய வேண்டுமா, வேறு ஏதேனும் கிரியைகள் புரிய வேண்டுமா, எங்கள் ஏழ்மை நிலை அகல நாங்கள் என்ன செய்ய வேண்டும் என்பதை எங்களுக்கு எடுத்துரைத்து வழிகாட்டி அருள வேண்டும் என்பதாகவும் உருகி வேண்டினார்.


அந்தப் பொறுமை மிகுந்த பெண்மணி பணிவாக வேண்டியதை மௌனமாகச் செவிமடுத்த கௌண்டின்ய மகரிஷி ஒரு கணம் கண்களை மூடி தியானித்து பின்னர் கூறினார் மேன்மையான அந்த இறைவன் ஸ்ரீஹரிக்கு உகந்த ஒரு தினம் உள்ளது. அந்தக் குறிப்பிட்ட நாளில் உபவாசம் இருந்து அவனை ஆராதித்தால் அனைத்துப் பாபங்களும் தொலைந்து ஏழ்மையால் ஏற்பட்ட எல்லாத் துன்பங்களும் அகன்றுவிடும் என்று பதில் அளித்தார்.


லீப் வருட மாதமாகிய புருஷோத்தம மாதத்தில் கிருஷ்ண பக்ஷ ஏகாதசி விரத உபவாசம் அனைத்து வளங்களையும் நல்குவதோடு இறுதியில் முக்தியையும் பெற்றுத் தரும். அன்றைய மாலைப் பொழுதில் அவனை ஆராதித்து பஜனைப் பாடல்களைப் பாடுவதோடு ஆடவும் வேண்டும். இரவு பூராவும் அவன் புகழைப் பாடி ஆனந்தமாக ஆட வேண்டும்.

இத்தகைய மகிமை பொருந்திய இந்த ஏகாதசி விரதம் ஒரு சமயம் குபேரனால் அனுஷ்டிக்கப்பட்டது. மகாராஜா ஹரிச்சந்திரன் இதனை அனுஷ்டித்து இழந்த மனைவி மகன் நாடு அனைத்தையும் திரும்பப் பெற்றார். அதற்குப் பின்னர் அவர் வாழ்வில் துன்பம் ஏதுமே நிகழவில்லை.



எனவே அகன்ற கண்களை உடைய மாதரசியே நீங்களும் இத்தகைய பரம ஏகாதசி விரதத்தை இரவு முழுதும் கண்விழித்து ஸ்ரீஹரியை ஆராதித்து அவன் புகழைப் பாடி ஆடித் தகுந்த முறையில் மேற்கொண்டீர்களானால் உங்கள் துன்பங்கள் அனைத்துமே விலகி விடும்.

பாண்டுவின் புத்திரனாகிய ஓ யுதிஷ்டிரனே, இவ்வாறாக கௌண்டின்ய மகரிஷி அன்புடனும் பெரும் கருணையுடனும் பரம ஏகாதசி விரதத்தின் மகிமையை பவித்ரா என்ற அந்தப் பெண்மணிக்கு எடுத்துரைத்தார். மேலும் மகரிஷி சுமேதாவிடம் கூறினார். மறுநாள் துவாதசி முதல் பாஞ்சராத்ரி விரதத்தையும் முறைப்படி மேற்கொள்ள வேண்டும். நீயும் மனைவியும் இருவரின் பெற்றோரும் தினமும் அதிகாலையில் ஸ்னானம் செய்து ஐந்து நாட்கள் வரை உங்கள் சக்திக்கு ஏற்ப விரதம் இருந்திட வேண்டும். இதனால் நீங்கள் புனிதமடைந்து ஸ்ரீஹரியின் வாசஸ்தலத்தை அடைவீர்கள்.

இந்த ஐந்து நாட்களில் ஒரு பகுதியை மட்டும் கடைபிடிப்பவன் சொர்க்கத்தைப் பெறுவான். சத்பிராம்மணர்களுக்குத் தகுந்த விதத்தில் போஜனம் செய்வித்தவன் அனைத்துத் தேவர்களுக்கும், மனிதர்களுக்கும், பூதவகைகளுக்கும் அன்னமிட்ட புண்ணியத்தை அடைகிறான்.

கற்றறிந்த சான்றோருக்கு எள் கலயத்தைத் தானமளித்தவன் அதில் எத்தனை எள் இருக்கிறதோ அத்தனை வருடங்கள் சொர்க்க போகத்தை அனுபவிப்பான்.

கலயம் நிறைய பொன் போன்ற நெய்யை தானமளிப்பவன் பூலோகத்தின் சகல சுகங்களையும் அனுபவித்துப் பின்னர் சூர்ய லோகத்தை அடைகின்றான்.


இந்த ஐந்து தினங்களிலும் பிரம்மசரியம் கைக்கொண்டவன் சொர்க்க இன்பத்தைப்பெற்று இந்திர லோகத்தில் அப்ஸரஸ்களுடன் சுகித்திருப்பான்.

ஓ சுமேதா மற்றும் பவித்ரா, நீங்கள் இருவரும் இகலோக சௌபாக்யங்களைக் குறைவின்றி அடைய இந்த பாஞ்சராத்ரி விரதத்தையும் அனுஷ்டித்துப் பலனடைவீர்களாக. அதன் பின்னர தேவலோக வாசமும் உங்களுக்குக் கிட்டும்.

இத்தகைய அற்புதமான அறவுரையைக் கேட்ட அந்தப் பிராம்மணத் தம்பதிகள் உரிய விதத்தில் பரம ஏகாதசியையும் பாஞ்சராத்ரி விரதத்தையும் மேற்கொண்டனர்.


அதன்பின்னர் சீக்ரத்திலேயே அரண்மனையிலிருந்து அழகான இளவரசன் அவர்களை நாடி வந்தான். பிரம்மாவின் உத்தரவின் பேரில் அவர்களுக்குத் தங்குமிடமாக அழகான தோர் மாளிகையைப் பரிசாக அளித்தான். அவர்களுடைய மேன்மையான விரதத்தைப் பாராட்டி அவர்களுடைய வாழ்க்கைக்காக ஒரு கிராமத்தையே அவர்களுக்குக் கொடுத்து தனது அரண்மனைக்குத் திரும்பினான். இவ்வாறாக சுமேதாவும் பவித்ராவும் இந்த உலகில் எல்லா சுகங்களையும் அனுபவித்து இறுதியில் வைகுண்ட வாசம் பெற்றனர்.

இவர்களைப் போன்றே இந்த பரம ஏகாதசி விரதத்தையும் பின்னர் பாஞ்சராத்ரி விரதத்தையும் சிரத்தையுடன் மேற்கொள்வோர் இந்த சுமேதா பவித்ரா தம்பதிகளைப் போன்றே இகலோக சௌபாக்யங்களைக் குறைவின்றிப் பெறுவதோடு இறுதியில் ஸ்ரீஹரியின் இருப்பிடமான வைகுண்ட வாசத்தையும் பெற்று இன்புறுவர்.

ஓ யுதிஷ்டிரா இந்த பரம ஏகாதசி உபவாச மகிமையைக் கணக்கிடவே முடியாது. கங்கையில், புஷ்கர் ஏரியில் தீர்த்தமாடுவதற்கு ஒப்பானது. பசுக்களை தானம் கொடுப்பதற்கும் வைதிக சனாதன தர்ம அனுஷ்டானங்களுக்கும் ஒப்பானது. மற்ற எல்லா விரதங்களையும் மேற்கொண்டால் பெறும் பலனை அளித்திட வல்லது. கயாவில் முன்னோர்களுக்காகச் செய்யப்படும் பலன்களையும் கொடுக்க வல்லது.


சமூக அமைப்பில் எவ்வாறு அனைத்து வர்ணங்களிலும் பிராம்மணன் உயர்ந்தவரோ, எப்படி அனைத்து விலங்கினங்களுக்குள் பசு உயர்ந்ததோ, தேவர்களுக்குள் எப்படி இந்திரன் உயர்ந்தவரோ அதைப்போன்று அனைத்து மாதங்களுக்குள் இந்த லீப் மாதம் போன்ற புருஷோத்தம மாதம் உயர்வுள்ளது. இந்த மாதத்தில் ஐந்து இரவுகள் என்று பொருள்படும் பாஞ்சராத்ரி விரத அனுஷ்டானம் பரம ஏகாதசியுடன் சேர்த்து மேற்கொள்ளும்போது ஒருவனது அனைத்து மகா பாபங்களையும் போக்கிட வல்லது. ஐந்து இரவுகளும் விரதமிருக்க முடியாமல் போனாலும் முடிந்த வரை இந்த மாதத்தில் மேற்கொள்வது சிறப்பு


மனிதப் பிறவியை அடைந்த ஒருவன் சரிவர ஸ்னானாதிகள் செய்து ஸ்ரீஹரிக்கு மிகவும் பிரியமான இந்த ஏகாதசியை அனுஷ்டிக்கவில்லை என்றால் அவன் தற்கொலை செய்து கொண்ட ஒருவனுக்கு ஒப்பாகி துயரங்களை அனுபவிக்க நேரிடும். இந்த அரிய மானிடப் பிறவியில் ஒருவன் இத்தகைய விரதங்களை ஏற்று சுத்தப் படுத்திக்கொண்டு புண்ணிய பலத்தை அதிகரித்துக்கொண்டு இந்த ஜட உலகின் பிடியிலிருந்து தன்னை விடுவித்துக் கொள்ள வேண்டும். ஆகவே ஒவ்வொருவரும் இந்த பரம ஏகாதசி விரதத்தை மேற்கொண்டு பயனடைய வேண்டும்.


பகவான் ஸ்ரீ கிருஷ்ணர் மேலும் உரைக்கிறார். ஓ பாபங்களற்ற யுதிஷ்டிரனே. நீ வேண்டியபடி இந்த பரம ஏகாதசி மகிமையை உனக்கு வெளிப்படுத்தினேன். நீ இதனை முறையாக மேற்கொண்டு பலன் அடைவாயாக.

இந்த இரு அதிகப்படி மாதங்களின் ஏகாதசிகளை எவன் ஒருவன் சரியாக ஸ்னானங்கள் புரிந்து மேற்கொள்கிறானோ அவன் சொர்க்கங்களில் இன்புற்று முடிவில் வைகுண்ட ப்ராப்தத்தையும் பெறுவான். அப்படி அவன் செல்லும்போது அவனை அனைவரும் புகழ்வர். தேவர்களால் தொழப்படுவான்.

ஸ்கந்த புராணத்தில் சொல்லப்பட்ட இந்த பரம ஏகாதசி மகிமைகள் இவ்வாறு முடிவடைகின்றன. சுபம்.

இந்த உபவாசத்தை அனுஷ்டிக்க, முடிக்க உண்டான விதிகள்.

ஆன்ம லாபத்திலும் மேலும் உயர்விலும் நாட்டமுள்ள ஒருவன் இந்த ஏகாதசியின் போது தானியங்களை உண்ணக் கூடாது. இந்த உலகிலே ஒவ்வொரு பாப கர்மங்களின் எச்சமானது இந்தத் தானியங்களின் உள்ளே நிலை கொண்டுள்ளது. ஒவ்வொரு கவளம் தானிய உணவை உண்ணும்போதும் பல லட்சக் கணக்கான பிராமணர்களை வதைத்துக் கொன்ற பாபம் சேர்கிறது. ஏகாதசி அன்றாவது அதனை உண்பதை நிறுத்த வேண்டும்.

ஏகாதசி விரதத்தை மேற்கொள்வோர் அனைத்துப் பாபங்களிலிருந்தும் விடுவிக்கப்படுகின்றனர். ஒருபோதும் அவர்களுக்கு நரகவாசம் இல்லை. மாயையினால் இதனைப் பற்றி அக்கறையில்லாமல் இருப்போர் பாபிகளாகவே வலம் வருவர். எதிர்பாராமல் ஒருவன் இதனை அனுஷ்டிக்க நேர்ந்தால் கூட அவனுடைய பாபங்கள் நசித்து அவன் வைகுந்தத்தை அடைகிறான்.

ஏகாதசி விதிகள்

கலப்படமாக இன்றி இந்த ஏகாதசி விரதம் மிகவும் தூய்மையான ஒன்றாக இருக்கவேண்டும். மிகவும் எச்சரிக்கையாக இருந்திட வேண்டும்.

விரதம். என்ன செய்திட வேண்டும்?

தானிய வகைகள் பருப்பு வகைகள் ஏற்கக் கூடாது. கடுகு கூடாது. பெருங்காயம் கூடாது. எள் கூடாது (ஸடில ஏகாதசியில் மட்டும் தானம் செய்யலாம். ஏற்கலாம்)

தானியங்களுடன் சேர்ந்த உணவு வகைகள் கூடாது. உணவை தானியம் தொட்ட கையால் கூட தொடக் கூடாது. அவ்வாறானால் எதனை உண்ணலாம்?


பழங்கள், கிழங்குகள், கொட்டைகள், பால். ஆனாலும் முழு உபவாசமே சிறந்தது. தண்ணீர் அருந்தலாம். நிர்ஜல உபவாசம் என்று தீர்மானித்துவிட்டால் அதனையும் அருந்தக் கூடாது.

மிளகு, மலை உப்பு, சீரகம் தவிர இதர மசாலா பொருட்கள் கூடாது. தக்காளி, காலிப்ளவர், கத்தரிக்காய், கீரைகள் போன்ற கறிகாய்களையும் தவிர்க்க வேண்டும்.

மறுநாள் துவாதசியில் (ஏகாதசி விரத முடிவு)

(சரியான விதத்தில் ஏகாதசி விரதம் முடிக்கப்பட வேண்டும் என்பது இன்றியமையாதது).

துவாதசி அன்று சூர்யோதயத்திற்குப் பின்னர் துவாதசி திதி நேரத்தில் கால் பங்கு முடிவடைந்த பிறகு ஆனால் துவாதசி திதி கடப்பதற்குள் விரதத்தை முடித்திட வேண்டும்.

காலை ஸ்னானம் முடித்த பின்னர் உபவாசத்தை இறைவனிடம் இவ்வாறு சமர்ப்பிக்க வேண்டும்.

ஓ கேசவா, இருளில் வீழ்ந்துபட்ட ஒரு ஜீவனால் மேற்கொள்ளப்பட்ட இந்த உபவாசத்தை அங்கீகரித்து ஏற்றிட வேண்டும். என் ஐயனே உன்னுடைய அறிவின் சுடரை, கடாட்சத்தை என்மீது செலுத்துவாயாக.

மகாதுவாதசி:

ஏகாதசி திதியும் துவாதசி திதியும் சூர்யோதயத்தை முன்னிட்டு அமைந்திடும் விதங்களைப் பொறுத்து (இது ஆறு விதங்களாக அமையக்கூடும்) இந்த ஏகாதசி விரதம் துவாதசியிலும், துவாதசி பாரணை மறுநாளிலும் அமையும். இந்த மாதிரியான த்ரயோதசி நாடகள் வித்யாஸப்படுத்தி நாம் தெரிந்து கொள்வதற்காக மகாதுவாதசி எனப்படும். அதன்படி விரத முடிவினை மேற்கொண்டிட வேண்டும்.

ஹரி ஓம் தத் ஸத்

07/10/2020

முசிறி அண்ணா நம்முடைய தர்ம சாஸ்திரத்தில் இருந்து ஒரு வருடத்தில் நாம் செய்யக்கூடிய தர்ப்பண விவரங்களை மேலும் தொடர்கிறார்.


அதாவது சண்ணவதி தர்ப்பணம் முறையை பார்த்தோம். அதில் நாம் இப்போது பார்க்க கூடியது வயதீபாத புண்ணிய காலம் என்ற முக்கியமான ஒன்று.

27 யோகங்களுள் இதுவும் வருகிறது. நாம் தினமுமே திதி வாரம் நட்சத்திரம் யோகம் கரணம் இந்த ஐந்தையும் பஞ்சாங்கம் மூலம் பார்த்து தெரிந்து கொள்ள வேண்டும். இதனால் நமக்கு ஐந்து விதமான லாபங்கள் கிடைக்கின்றன.


இன்றைக்கு என்ன #திதி_என்று_தெரிந்து கொண்டால் ஐஸ்வர்யம இலாபம் கிடைக்கின்றது.

இன்றைக்கு என்ன #வாரம்_என்று தெரிந்து கொள்வதினால் #ஆயுசு_விருத்தி ஆகின்றது.

இன்றைக்கு என்ன #நட்சத்திரம்_என்று தெரிந்து கொண்டால் பாபம் போகிறது.


இன்றைக்கு என்ன #யோகம்_என்று தெரிந்துகொண்டால் ரோக நிவர்த்தி ஆகிறது.


இன்றைக்கு என்ன #கரணம்_என்று தெரிந்து கொள்வதினால் காரியசித்தி ஏற்படுகிறது.

இந்த ஐந்தையும் பஞ்சாங்கம் மூலம் தினமும் நாம் தெரிந்துகொள்ள வேண்டும்.

யோகம் என்பது 27 உள்ளது. இந்த 27க்குள் வயதீபாதம் என்பதும் ஒரு யோகமாக சொல்லப்பட்டிருக்கிறது. இது ஒரு பெரிய புண்ணிய காலமாக சொல்லப்பட்டு இருக்கிறது தர்ம சாஸ்திரத்தில்.

இந்த வயதீபாத யோக நாமம் என்றைக்கு வருகிறதோ, அன்றைக்கு நாம் இந்த தர்ப்பணத்தை செய்ய வேண்டும்.

இந்த வயதீபாத யோகம் சில நட்சத்திரங்களோடும் சில வாரங்களோடும் சில திதிகளோடும் சேர்ந்து வந்தால், அது பெரிய புண்ணிய காலமாக சொல்லப்பட்டு இருக்கிறது.

பொதுவாகவே நாம் யாருக்காவது ஏதாவது ஒரு தானம் செய்யவேண்டும் என்று சங்கல்பித்து கொண்டால், இந்த வயதீபாத புண்ணிய காலத்தில் செய்தால் ரொம்ப புண்ணியத்தை கொடுக்கக் கூடியது என்று தர்ம சாஸ்திரம் சொல்கிறது.


#அம்மாவாசை_அன்று_நாம் செய்யக்கூடிய தானமானது, பத்து மடங்கு அதிகமான பலனைக் கொடுக்கக் கூடியது.

அதைவிட அதிகமான பலனை அதாவது #100_மடங்கு கொடுக்கக்கூடியது, மாச பிறப்பு அன்று நாம் செய்யக்கூடியதான தானம்.


#ஆயிரம்_மடங்கு_பலனைக் கொடுக்கக்கூடிய தான தினம், விஷு புண்ணிய காலம். துலா விஷு சைத்திரை விஷு என்று சித்திரை மாதப்பிறப்பு துலா மாச பிறப்பு. இந்த இரண்டு தினங்களில் நாம் செய்யக்கூடியது ஆன தானங்கள் ஆயிரம் மடங்கு பலனைக் கொடுக்கக் கூடியது.

#யுகாதி_புண்ணிய_காலங்களில் நாம் செய்யக்கூடியதான தானம், 12000 மடங்கு பலனைக் கொடுக்கக் கூடியது.


#தட்சணாயன_உத்தராயண_புண்ணிய காலங்களில் நாம் செய்யக்கூடியதான தானம், அதாவது தை மாதப் பிறப்பும் ஆடி மாதப் பிறப்பும் அன்றைய தினத்தில், 12000 X 10 மடங்கு பலனைக் கொடுக்கக் கூடியதாக உள்ளது

#சந்திர_கிரகணத்தன்று_நாம் செய்யக்கூடிய தான தானம், 12,00,000 லட்சம் மடங்கு பலனைக் கொடுக்கக் கூடியது.

சூரிய கிரகணத் அன்று நாம் கொடுக்க கூடியதான தானம் #கோடி_மடங்கு பலனைக் கொடுக்கக் கூடியது.

#இந்த_வயதீபாதம்_புண்ணிய_காலத்தில் #நாம்_செய்யக்கூடிய_தான_தானம், #அசங்கேயம்_அதாவது_சொல்லி #மாளாது_முடியாது_அளவு_பலனைக் கொடுக்கக் கூடியது.

அந்த அளவுக்கு அதிகமான அகண்ட நிறைய புண்ணியங்களை கொடுக்கக் கூடியது இந்த வயதீபாதம். ஆகையினாலே அன்றைக்கு செய்யக்கூடிய தானம் மிகவும் உத்தமமான பலனைக் கொடுக்கக் கூடியது.

இந்த மாதிரியான புண்ணிய காலங்களில் நாம் செய்யக்கூடியது தானங்கள் ஸ்நானங்கள் ஜபங்கள் எல்லாம் அனைத்து விதமான பாவங்களையும் போக்க வல்லது.


இன்றைய நாட்களில் நமக்குத் தெரியாமல் எவ்வளவு தவறுகள் நடந்து விடுகின்றன, அல்லது நாம் செய்ய வேண்டி வருகிறது. இப்போது உதாரணத்திற்கு, #தைத்த_துணியை நாம் போட்டுக் கொள்ளக்கூடாது என்று தர்ம சாஸ்திரம் சொல்கிறது. அதாவது தையல் விழுந்த துணியை உடுத்திக் கொண்டு தேவ காரியங்களையும் பிதுர் காரியங்களை செய்யக்கூடாது. ஆனால் தைத்த துணியை தான் நாம் போட்டுக் கொள்ள வேண்டிய நிர்ப்பந்தம் ஏற்படுகிறது. தையல் விழாத துணியை போட்டுக் கொள்ளவே முடியாது என்கின்ற காலகட்டத்திற்கு நாம் வந்துவிட்டோம்.


அதேபோல, நாம் #தினமும்_வபனம் செய்து கொள்ள வேண்டிய நிர்பந்தத்திற்கு ஆளாகிறார்கள். ஏதோ ஒரு ரீதியாக அல்லது உத்தியோகத்தை சொல்லி, முக வபனம் என்று பாதி வபனம் செய்துகொண்டு இருக்க வேண்டிய நிலை, மீசை வைத்துக் கொள்ள வேண்டிய நிலை, #இதையெல்லாம்_ஒரு_குறைபாடாக_நம் தர்ம சாஸ்திரம் நமக்கு காண்பிக்கின்றது.


இது எல்லாம் தவிர்க்க முடியாத ஒரு காலகட்டத்திற்கு நாம் வந்துவிட்டோம். இதை நாம் வேண்டாம் என்று நினைத்தாலும் கூட வைத்துக்கொள்ள வேண்டிய கடைபிடிக்க வேண்டிய ஒரு கட்டாயத்திற்கு தள்ளப்பட்டு விட்டோம்.


இதற்கெல்லாம் என்ன பரிகாரம் என்று பார்க்கும்போது இந்த மாதிரியான #வயதீபாதம்_புண்ணிய_காலங்களில், புண்ணிய நதிகளில் ஸ்நானம் செய்வது, அந்த நதிக்கரையில் இருப்பவர்களுக்கு ஏதாவது தானம் கொடுப்பது, அப்படி செய்வதினால் இந்த மாதிரியான பாபங்கள் எல்லாம் போகிறது. இதற்கெல்லாம் தனியான பரிகாரங்கள் தர்ம சாஸ்திரத்தில் சொல்லப்படவில்லை.



நாம் செய்யக்கூடியது ஆன இந்த நாட்களில் தவறுகள் எல்லாம் நடந்து போய் விடுகின்றன, ஆனால் பிராயச்சித்தம் என்று தர்ம சாஸ்திரத்தில் எதுவுமில்லை. பிராயச்சித்தம் தர்ம சாஸ்திரத்தில் இல்லை என்பதினால் பரவாயில்லை என்று நாம் முடிக்க முடியாது. #எப்பொழுது_தர்மசாஸ்திரம் #ஒன்றை_செய்யக்கூடாது_என்று #சொல்கிறதோ_கட்டாயம்_அதற்கு #பாவங்கள்_உண்டு.


எதற்கான #பிராயச்சித்தம் நம் தர்ம சாஸ்திரத்தில் #சொல்லப்படவில்லையோ_அவைகளை #கட்டாயம்_நாம்_செய்யக்கூடாது என்றுதான் எடுத்துக் கொள்ள வேண்டும். ஆனால் இந்நாட்களில் இந்த மாதிரியான தவறுகள் நடந்து போய் விடுகின்றன.


இதற்கான பிராயச்சித்தமாக இந்த வயதீபாதம் புண்ணிய காலங்களை நாம் பயன்படுத்திக் கொள்ளலாம். அப்படி ஒரு உத்தமமான புண்ணிய காலம் இது.


இந்த வயதீபாதம் புண்ணிய காலம் விஷயமாக நிறைய தகவல்களை நமக்கு புராணங்கள் காண்பிக்கின்றன. #முக்கியமாக_வராக_புராணம்_நாரத புராணம் கூறுகிறது இந்த வயதீபாத புண்ணிய காலம் என்றால் என்ன? இந்த புண்ணிய காலத்தில் நாம் என்னென்ன எல்லாம் செய்து, என்னென்ன பலன்களை நாம் அடையலாம் என்பதை இந்த இரண்டு புராணங்களும் விரிவாக காண்பிக்கிறது. அதைப் பற்றிய விவரங்களை அடுத்த உபன்யாசத்தில் பார்ப்போம்.

02/10/2020

முசிறி அண்ணா தர்ம சாஸ்திரத்தில் இருந்து ஷண்ணவ தர்ப்பணம் முறையை மேலும் தொடர்கிறார்.


நாம் நம்முடைய பித்ருக்களை உத்தேசித்து ஒரு வருடத்தில் செய்யக்கூடிய தான ஒவ்வொரு தர்ப்பணமாக பார்த்துக்கொண்டு வருகிறோம். அதிலே மாச பிறப்பிற்கும் மற்றும் யுகாதி புண்ணிய காலத்திற்கும் உள்ள சம்பந்தத்தை தெரிந்து கொண்டோம்.


மேலும் சங்கரமண சிராத்தம் என்று மாச பிறப்பு அன்று நாம் செய்யக்கூடிய தான தர்ப்பணத்திற்கு பெயர். பஞ்சாங்கத்தில் நாம் பார்த்தோமேயானால் ஒரு புண்ணிய காலம் போட்டிருக்கும். ஷடக்ஷிதி விஷ்ணுபதி என்று போட்டிருப்பார்கள். அன்றைய தினம் நாம் சங்கல்பத்தில் சொல்லிக் கொள்ளும் பொழுது, அன்றைய தினத்திலேயே அந்தக் காலத்தையும் அந்த தேவதையும் சேர்த்து குறிப்பதுதான் அந்த புண்ணிய காலம்.


உதாரணத்திற்கு அம்மாவாசை எடுத்துக் கொண்டால்,அன்றைக்கு நாம் செய்யக்கூடிய தர்ப்பணத்திற்கு தர்ஸ சிராத்தம் என்று பெயர். அப்பொழுது நாம் தர்ஷ புண்ணிய காலே என்று சொல்லாமல் நர்ஸ் சிராத்தே என்று சொல்லி கொள்கிறோம். அம்மாவாசை / தர்ஸம் என்பது காலத்தைக்/தேவதையை குறிக்கின்றது பித்ருக்களை உத்தேசித்து செய்யக்கூடியதான சிராத்தம்.


அதை நாம் பிரித்துப் புரிந்து கொள்ள வேண்டும். அமாவாஸ்யா சிராத்தம் என்று சொல்லாமல் அமாவாஸ்யா தர்ஸ*

*சிராத்தம் என்று சொல்ல வேண்டும். காலத்தையும் தேவதையும் சேர்த்து குறிக்கின்றது

அதேபோல் பௌர்ணமியை பார்த்தால், பௌர்ணமாசியா என்ற ஒரு சப்தம் இருக்கிறது மற்றும் பூர்ணிமா இந்த இரண்டுக்கும் என்ன வித்தியாசம், பூர்ணிமா என்றால் அந்த காலத்தை குறிக்கின்றது, பௌர்ணமாசியா என்றால் தேவதையைக் குறிக்கின்றது. அப்படி இதை மாற்றி புரிந்து கொள்ள வேண்டும்.

ஆகையினால்தான், நாம் உபாகர்மா செய்கின்ற பொழுது சிராவன்யாம், பூர்ணிமா யாம் என்று சொல்கிறோம். சிராவன்யாம் பௌர்ணமாசியா என்று சொல்லக்கூடாது. பௌர்ணமாசியா என்றால் தேவதையைக் குறிக்கின்றது. பூர்ணிமா என்றால் அந்த காலத்தை குறிக்கும்.


அதனால்தான் சிராவனத்தில் நாம் சங்கல்பம் செய்யும்போது ஸ்ராவன்யாம் பூர்ணிமா யாம் என்று சொல்கிறோம். அதேபோல்தான் அமாவாஸ்யா என்பது அந்தக் காலத்தையும் தேவதையும் சேர்த்து குறிக்கின்றது. ஆனால் தர்ஸம் என்பது அன்றைக்கு நாம் செய்யக்கூடிய பித்ரு கர்மாவை குறிக்கின்றது.


அதே போல் தான் இந்த சித்திரை மாதத்தில் இருந்து நாம் பார்த்தோமேயானால், ஒவ்வொரு பெயர்கள் சொல்லப்பட்டிருக்கின்றன. அன்றைக்கு நாம் செய்யக்கூடிய 12 மாத தர்ப்பணத்திற்கு சங்கரமணம ஸ்ராத்தம் என்றுதான் பெயர். அதில் மாற்றமே கிடையாது.


அப்படி என்கின்ற பொழுது தனியாக ஒரு பெயர் சொல்லி இருப்பது அந்தக் காலத்தையும் அந்தக் காலத்தில் உள்ள தேவதையும் சேர்த்து குறிக்கின்றது அந்த பெயர் என்று தர்ம சாஸ்திரம் காண்பிக்கிறது.

இப்பொழுது சித்திரை மாதப் பிறப்பு எடுத்துக்கொண்டால், மேஷ ராசியில் சூரியன் பிரவேசிக்க கூடியதான காலம் இருக்கின்றதே அதற்கு விஷூ என்று பெயர். மேஷ விக்ஷூ என்று பஞ்சாங்கத்தில் கொடுத்து இருப்பார்கள். ஒரு குறிப்பிட்ட நாழிகை அது சொல்லப்பட்டிருக்கிறது. நாம் மாதம் பிறந்ததும் தர்ப்பணம் செய்ய வேண்டியதற்கான காலம் ஒரே காலம் தான். மாத்யானிக காலம் தாண்டி தான் தர்ப் பணத்திற்கான காலம். அதில் மாற்றம் ஏதும் இல்லை.


அது முதல் நாள் அல்லது மறுநாள் என்பதை தீர்மானம் செய்து கொள்ள வேண்டும். அதாவது முதல் மாதத்தின் கடைசி நாட்களில் வருகின்றதா அல்லது அடுத்த மாதம் முதல் தேதி அன்று தர்ப்பணம் வருகிறதா என்பதை மட்டும் நான் பார்த்துக் கொள்ள வேண்டும். பஞ்சாங்கத்தில் மேஷ ரவி ரிஷப ரவி என்று போட்டிருப்பார்கள். குறிப்பிட்ட ஒரு நாழிகை காண்பித்து இருப்பார்கள்.

ஆனால் இந்த விஷ்ணுபதி ஷடக்ஷிதி என்பதெல்லாம் ஒவ்வொரு மாதத்திற்கும் அந்த நாழிகைகள் மாறுபடுகின்றன. 10 16 18 என்று ஒவ்வொரு மாதத்திற்கும் ஒரு குறிப்பிட்ட நாழிகை சொல்லப்பட்டிருக்கிறது அது எதற்காக என்றால் ஒரு விரதம் இருக்கின்றது.

அந்த விரதத்தை அனுஷ்டிப்பதற்கு அந்த காலம் நமக்கு வேணும். அதற்காக அந்தப்பெயர் சொல்லப்பட்டிருக்கிறது. ரிஷப ராசியில் சூரியன் பிரவேசிக்கும் போது வைகாசி மாதம். விஷ்ணுபதி என்று பெயர்.


மிதுன ராசியில் சூரியன் பிரவேசிக்கும் போது, அந்த காலத்திற்கு ஷடசீதி என்று பெயர். கடக ராசியில் சூரியன் பிரவேசிக்க கூடியதான காலத்திற்கு, அதாவது ஆடி மாத பிறப்பு. அதற்கு அயனம் என்று பெயர். தக்ஷிணாயன புண்ணிய காலம் என்று பஞ்சாங்கத்தில் கொடுத்து இருப்பார்கள்.


சிம்ம ராசியில் சூரியன் பிரவேசிக்க கூடியதான காலத்திற்கு, விஷ்ணுபதி என்ற பெயர். கன்னியா ராசியில் சூரியன் பிரவேசிக்க கூடிய காலத்திற்கு ஷடசீதி என்ற பெயர்.

ஐப்பசி மாதப் பிறப்பு துலா ராசியில் சூரியன் பிரவேசிக்க கூடியதான காலம், அதற்கு விஷு என்ற பெயர். துலா விஷு என்று பஞ்சாங்கத்தில் பார்க்கலாம்.


விருச்சிக ராசியில் சூரியன் பிரவேசிக்க கூடியதான காலத்திற்கு விஷ்ணுபதி என்று பெயர். மார்கழி மாத பிறப்பிற்கு அதாவது தனுர் ராசியில் சூரியன் பிரவேசிக்க கூடியதான காலத்திற்கு, ஷடக்ஷிதி என்று பெயர்.


மகர ராசியில் சூரியன் பிரவேசிக்க கூடியதான காலத்திற்கு, அயனம் என்று பெயர். தைமாத புண்ணிய காலத்திற்கு உத்தராயணம் என்று பெயர். கும்ப ராசியில் சூரியன் பிரவேசிக்கப் கூடியதான காலத்திற்கு விஷ்ணுபதி என்ற பெயர்.


மீன ராசியில் சூரியன் பிரவேசிக்க கூடியதான காலத்திற்கு ஷடக்ஷிதி என்று பெயர். இந்த வரிசையில் பஞ்சாங்கத்தில் காண்பித்து இருப்பார்கள். சங்கல்பத்தில் அப்போது நாம் எப்படி சொல்லிக் கொள்ள வேண்டும் என்றால், சித்திரை மாதப் புண்ணிய காலத்தில் மேஷ விஷூ புண்ணிய காலே மேஷ சங்கரமண சிராத்தம் தில தர்ப்பண ரூபேன கரிஷ்யே என்று சொல்லி சங்கல்பம் செய்து கொள்ளவேண்டும்.


விஷ்ணுபதி புண்ணிய கால ரிஷப சங்கரமண சிராத்தே என்று சொல்லிக் கொள்ள வேண்டும். ஆனி மாத பிறப்பாக இருந்தால், ஷடக்ஷிதி புண்ணிய காலே மிதுன சங்கர மன சிராத்தம் என்று சொல்லிக்கொள்ள வேண்டும். இப்படி ஒவ்வொரு மாதத்திற்கும் அன்றைக்கு சொல்லப்பட்ட புண்ணிய காலத்தை சொல்லி, சங்கரமன என்றுதான் சொல்லிக் கொள்ள வேண்டும் 12 மாதத்திற்கு மே, அந்தக் காலத்தையும் தேவதையும் சேர்த்து குறிக்கின்றது என்பதை நாம் புரிந்துகொள்ள வேண்டும். #ஷடக்ஷிதி_விஷ்ணுபதி சிராத்தம் என்று சொல்லக்கூடாது.


புண்ணிய காலத்தை தான் அது குறிக்கிறது என்பதை நாம் தெரிந்துகொள்ள வேண்டும். அந்தப் பெயர் எதற்காக போட்டு இருக்கிறது என்ற காரணமும் இதுதான். எப்படி மாச பிறப்பில் நாம் செய்ய வேண்டியது தர்ப்பணத்தை பார்த்தோம்.


அடுத்ததாக தர்மசாஸ்திரம் காண்பிக்கக் கூடிய புண்ணியகாலம் மன்வாதி, இது வருடத்தில் 14 புண்ணிய காலங்கள் வருகின்றன. இந்த மன்வாதி புண்ணிய காலம் என்பது மிக மிக முக்கியமான ஒன்று. நாம் இப்போது செய்து கொண்டிருக்கின்ற புண்ணிய காலங்கள் எல்லாம் நமக்காகவும் நம் குடும்பத்திற்காகவும் நம் பித்ருக்களை உத்தேசித்து செய்து கொள்ளக் கூடியது.


#ஆனால்_இந்த_மன்வாதி_புண்ணிய #காலம்_என்பது_இந்த_தேசத்திற்காக #நாம்_செய்யவேண்டும்_என்று #காண்பித்து_இருக்கிறது_தர்ம #சாஸ்திரம்_மிக_மிக_முக்கியமான_ஒரு #புண்ணிய_காலம்_அதைப்பற்றி_அடுத்த #உபன்யாசத்தில்_பார்ப்போம்.

29/09/2020

முசிறி அண்ணா தர்ம சாஸ்திரத்தில் இருந்து ஷண்ணவதி தர்ப்பணம் விளக்கத்தை மேலும் தொடர்கிறார்

இதிலே யுகாதி புண்ணிய காலம் பற்றி விரிவாகப் பார்த்தோம். மாச பிறப்பிற்கும் யுகாதிக்கும் சம்பந்தம் உண்டு.


நாம் ஒரு வருடத்தில் செய்ய வேண்டிய தர்ப்பணங்கள் என்று பார்த்தால் அமாவாஸ்யா யுகாதி மன்வாதி சங்கரமணம் மஹாலயம், இப்படி பலவிதமான தர்ப்பணங்களை பண்ணுகிறோம். இவைகள் ஒன்றுக்கொன்று சம்பந்தம் இல்லை என்று நமக்கு தோன்றும். ஆனால் அப்படியில்லை.

ஒன்றுக்கொன்று சம்பந்தம் உள்ளது. இதை நாம் தெரிந்து கொள்ள வேண்டும். சில பேர் அமாவாசை மற்றும் மாதப்பிறப்பு மட்டும் நான் செய்து கொண்டு வருகிறேன் என்று சொல்லுவார்கள். ஆனால் மாதப்பிறப்பு செய்கின்றவர்கள் யுகாதி கட்டாயம் செய்ய வேண்டும்.


இவை இரண்டிற்கும் நிறைய சம்பந்தங்கள் இருக்கின்றன உதாரணத்திற்கு, வருஷத்தில் 4 யுகாதி புண்ணிய காலங்கள் வருகின்றன. அதை யுகாதி சிராத்தம் என்று நாம் செய்கிறோம்.

அம்மாவாசை அன்று நாம் செய்யக்கூடியது தர்ஸ ஸ்ராத்தம்என்று பெயர். யுகாதி புண்ணிய காலங்களில் யுகாதி சிராத்தம் என்று பெயர். அதேபோல் மாதப்பிறப்பன்று செய்யவதற்கு சங்கரமணம் என்று பெயர். அதற்கு தனிப்பட்ட ஒரு பெயரும் சொல்கிறோம் அது என்ன என்பதை பின்னாடி விரிவாக பார்ப்போம்.


மாச பிறப்பு பற்றி தர்ம சாஸ்திரத்தில், சூரிய சங்கரமணம் அதாவது சூரியன் ஒரு ராசியில் இருந்து இன்னொரு ராசிக்கு செல்வது. அன்றைய தினம் இந்த சங்கரமணம் ஸ்ராத்தம் நாம் கட்டாயம் செய்ய வேண்டும். அதைத்தான் நாம் தர்ப்பணம் ஆக செய்து கொண்டு வருகிறோம்.

#இந்த_சங்கரமணம்_வருடத்தில் 12 தான் வரும் அமாவாசை கூட அதிக மாசமாக இருந்தால் ஒன்று கூட வரும். 13 அமாவாசைகள் வரலாம் யுகாதி 4 தான் வரும். மாதப்பிறப்பு ஏன் இந்த அளவுக்கு புண்ணியகாலம் சொல்லப்பட்டு இருக்கிறது என்றால், யுகாதி என்பது ஒரு யுகத்தின் ஆரம்ப காலம். மாத பிறப்பு என்பது யுகங்கள் முடிவு காலம் என்று சொல்லப்பட்டிருக்கிறது.

நடுவில் இடைவெளி இருக்கின்றது அதற்கு சந்தி என்று பெயர். சூரிய சங்கரமணம் அதாவது சிம்ம சங்கரமணம், சூரியன் சிம்ம ராசிக்குள் பிரவேசிப்பதற்கு பெயர்.

அதாவது ஆவணி மாதப்பிறப்பு, இது கிருத யுகத்தின் முடிவு காலம் முடிவு காலம். விருச்சிக சங்கராந்தி. கார்த்திகை மாதப் பிறப்பு தான், திரேதா யுகத்தின் உடைய முடிவு தினம். விருஷ சங்கராந்தி அதாவது வைகாசி மாசம். வைகாசி மாதப்பிறப்பு தான் துவாபர யுகத்தின் முடிவு தினம். கும்ப சங்கராந்தி அதாவது மாசி மாதத்தின் பிறப்பு தான், கலியுகத்தின் உடைய முடிவு காலம்.

இந்த யுகத்தின் உடைய ஆரம்ப காலம் யுகாதி ஆகவும், யுகத்தின் முடிவு காலம் மாதப் பிறப்பாகவும், அக்ஷய மான புண்ணியத்தை நமக்கு கொடுக்கக் கூடியது என்று தர்ம சாஸ்திரம் காண்பிக்கிறது.

வருடாவருடம் இந்த யுகங்கள் எல்லாம் முடிந்து ஆரம்பமாகின்றது என்றால், இப்போது நடக்கின்றது கலியுகம் இந்த கலியுகம் ஒரு காலத்தில் முடியப் போகின்றது, அது எவ்வாறு இருக்கும் என்றால் கும்ப சங்கராந்தி, மாசி மாதப் பிறப்பில் தான் இந்தக் கலியுகம் முடியப்போகிறது.


தினம் அதுதான் வருடங்கள் மாறும். அதற்குத்தான் மகா பிரளயம் என்று பெயர். பிரளயங்களை இரண்டு விதமாக உபநிஷத் காண்பிக்கின்றது. மகாப் பிரளயம் அவாந்தர பிரளயம் என்று இந்த இரண்டு விதம்.

#ஒரு_யுகம்_முடிந்து_வரக்கூடியது


#மகா_பிரளயம். அப்பொழுது என்ன ஆகும் என்றால் இந்த உலகத்தில் நாம் பார்க்கக்கூடியதான எல்லா வஸ்துக்களும் ஈஸ்வரன் இடத்திலேயே லயத்தை அடைந்து விடும். #அப்புறம் #எதுவுமே_இருக்காது_அம்_மையமாக #இருக்கும்_அதாவது_தண்ணீர்_தீர்த்தம் #சூழ்ந்து_இருக்கும்_இதற்கு_மகாப் #பிரளயம்_என்று_பெயர்.


#அவாந்தர_பிரளயம்_என்றால்_நாம் #தினமும்_இரவில்_தூங்கி_காலையில் #எழுந்து_இருக்கிறோம்_நாம் #தூங்கியதில்_இருந்து_எழுந்து #கொள்ளும்_வரை_உள்ள_காலம்_தான் #அவாந்தர_பிரளய_காலம்_என்று_பெயர்.


*நாம் அசந்து தூங்கும் பொழுது எந்த வஸ்துக்களுமே நமக்குத் தெரியாது. இருந்தது என்றால் தெரிய வேண்டுமே ஏன் தெரியவில்லை என்றால், அதுவும் ஒரு பிரளயம் ஆக சொல்லப்பட்டிருக்கிறது எப்படி மகா பிரளயம் காலத்திலே அனைத்து வஸ்துக்களும் ஈஸ்வரன் இடத்திலேயே லயத்தை அடைகின்றனவோ, #அதேபோல்_சுக்ஷூக்தி_நிலையிலே, #நாம்_பார்க்கக்_கூடிய_அனைத்து #வஸ்துக்களும்_ஈஸ்வரன்_இடத்திலேயே #லயத்த_அடைகின்றன.


திரும்பவும் மறுநாள் காலையிலே புதியதாக உற்பத்தியாகின்றன, பிரளய காலத்திலே, சுக்ஷூக்தி நிலையில்தான் நாம் ஈஸ்வரனை அடைகிறோம் என்று உபநிஷத் காண்பிக்கிறது. நாம் இந்த சுக்ஷூக்தி நிலையில்தான் ரொம்ப சுகமாக இருக்கிறோம், நாம் அனுபவிக்கக்கூடிய வஸ்துக்கள் எல்லாம் என்ன ஆயிற்று என்றால் ஈஸ்வரன் இடத்திலேயே லயத்தை அடைந்து விட்டன.


திரும்பவும் காலையில் நாம் எழுந்து கொள்கிறோம், படுத்துக் கொள்ளும் பொழுது நாம் நாமாக படுத்திக் கொள்கிறோம். #காலையில்_நாம்_நாமாக_எழுந்து #கொள்ள_வேண்டுமென்றால் #ஈஸ்வரனுடைய_அனுகிரகம்_வேண்டும். #சுக_கர்ம_பலன்_வேண்டும்.


#நம்முடைய_கர்மா_தான்_நம்மளை #காலையில்_எழுப்புகின்றது. அதநாள் தான் இரவு படுத்துக் கொள்ளும் போது காலையில் நான் நானாக எழுந்து கொள்ள வேண்டும் என்று பிரார்த்தனை செய்து கொண்டு படுத்துக் கொள்ள வேண்டும்.


இல்லையென்றால் எழுந்த பிறகு நாம் நாமாக இருக்க மாட்டோம். சுப கர்மபலன் இருந்தால் தான் நாம் நாமாக இருக்க முடியும். அதற்கு தான் பிரார்த்தனை செய்கிறோம். இதற்கு அவாந்தர பிரளயம் என்று பெயர். அப்படி தினமுமே ஒரு பிரளயம் ஆக சொல்லப்பட்டு இருக்கிறது.


அதனால்தான் சூரியோதயம் எல்லாம் தினமும் புதியதாக உதிக்கின்றது. நாம் பார்க்கக்கூடிய வஸ்துக்கள் எல்லாம் புதியதாக தெரிகிறது. இதை உபநிஷத் காண்பிக்கின்றது. கலியுகம் முடிவு என்பது மாசிமாச பிறப்பாக இருக்கும் என்று சொல்லப்பட்டிருப்பது நாலே, சங்கரமண ஸ்ராத்தம் என்பதும் மிகவும் முக்கியம். மாச பிறப்பில் நாம் செய்ய வேண்டிய தர்ப்பணம். ஆகையினாலே யுகாதியும் செய்யவேண்டும் மாசப் பிறப்பும் செய்ய வேண்டும். யுகாதி புண்ணியகாலம் செய்து மாதப்பிறப்பு தர்ப்பணம் செய்யாமல் இருந்தால் ஒன்றை செய்து ஒன்றை செய்யாததாக ஆகும். மேற்கொண்டு அடுத்த உபன்யாசத்தில் பார்க்கலாம்.