Post by Sumi on May 7, 2014 14:59:43 GMT 5.5
அதிருத்ர சதசண்டி யாகம் விழுப்புரத்தில் 15ல் துவக்கம்
உலக நன்மைக்காக, 'அதிருத்ர சதசண்டி யாகம்' விழுப்புரம், சங்கர மடத்தில், 11 நாட்கள் நடக்கிறது. திருச்சி சந்திர சேகரேந்திர சரஸ்வதி சுவாமிகள் கைங்கர்ய டிரஸ்ட் நிர்வாகிகள் கூறியிருப்பதாவது:
காஞ்சி சங்கராச்சாரியார் சுவாமிகள் அருளாணைப்படி தமிழக கோவில்களில் வேள்விகள் நடத்தப்பட்டு வருகிறது. இந்த ஆண்டு அதிருத்ர சதசண்டி மகா யாகம், விழுப்புரம் சங்கர மடத்தில், வரும், 15ம் தேதி துவங்கி, 25ம் தேதி வரை நடத்தப்படுகிறது. திருவானைக்காவல் சிவராமகிருஷ்ண சாஸ்திரிகள் தலைமையில் வேதவிற்பன்னர்கள் யாகம் நடத்துகின்றனர். சதகண்டி ஹோம நிகழ்ச்சிகளை, கும்பகோணம் தினகர சர்மா தலைமையிலான குழுவினர் நடத்த உள்ளனர்.
இதற்கு நன்கொடை வழங்க விரும்புவோர், ஸ்ரீசந்திரசேகரேந்திர சரஸ்வதி சுவாமிகள் கைங்கர்ய டிரஸ்ட், டி.ஏ.எப்., 4 பாரத் பிளாசா, மூலத்தோப்பு, மேலூர் ரோடு, ஸ்ரீரங்கம். என்ற முகவரிக்கு அனுப்பலாம். மேலும் விவரங்களுக்கு, 94437 33573 என்ற மொபைல் எண்ணில் தொடர்பு கொள்ளலாம். இவ்வாறு தெரிவிக்கப்பட்டுள்ளது.
Source: Dinamalar dated 07-May-14
