ASTROLOGY.

[kgopalan90]

ராசிகளும் அதில் இருக்கும் நட்சத்திரங்களும்.. மொத்தம் 12 ராசிகள். முதல் ஆரம்பம் மேஷம். பிரதக்ஷிணமாக வந்து மீனத்தில் முடியும். சூரியன் சித்திரை மாதத்தில் மேஷ ராசியில் இருப்பார். வைகாசி மாதம் ரிஷபத்தில் இருப்பார், ஆனி மாதம் மிதுனத்தில் இருப்பார்; ஆடி மாதம் கடகத்தில் இருப்பார்; ஆவணி மாதம் சிம்மத்தில் இருப்பார்; புரட்டாசி மாதம் கன்னியில் இருப்பார். ஐப்பசி மாதம் துலா த்தில் இருப்பார். கார்த்திகை மாதம் விருச்சிகத்தில் இருப்பார். மார்கழி மாதம் தனுசில் இருப்பார்; தை மாதம் மகரத்தில் இருப்பார்; மாசி மாதம் கும்பத்தில் இருப்பார்; பங்குனி மாதம் மீனத்தில் இருப்பார். சூரியன் இருக்கும் ராசியை பார்த்து இந்த மாதத்தில் பிறந்தார் என சொல்ல முடியும்.



ஸங்கல்பம் செய்யும் போது இதையே தான் மேஷ மாசே; ரிஷப மாசே மிதுன மாசே; கடக மாசே; சிம்ம மாசே; கன்னியா மாசே, துலா மாசே; விருச்சிக மாசே; தனுர் மாசே; மகர மாசே, கும்ப மாசே. மீன மாசே என சொல்கிறோம்.அடுத்து ஸங்கல்பம் செய்யும் போது சுக்ல பக்ஷம், க்ருஷ்ண பக்ஷம் எங்கிறோம். அமாவாசைக்கு மறு நா|ள் ப்ரதமை திதி முதல் பெளர்ணமி முடிய சுக்ல பக்ஷம்=வளர்பிறை; பெளர்ணமிக்கு மறு நாள் ப்ரதமை முதல் அமாவாசை முடிய தேய்பிறை- க்ருஷ்ண பக்ஷம் என்று சொல்கிறோம்.


திதிகள் பதினைந்து:- ப்ரதமை, துதியை; த்ருதியை; சதுர்த்தி; பஞ்சமி, சஷ்டி, ஸப்தமி, அஷ்டமி; நவமி; தசமி; ஏகாதசி; துவாதசி; த்ரயோதசி; சதுர்தசி அமாவாசை அல்லது பெளர்ணமி என்று திரும்ப திரும்ப வரும்.





ஒரு வருடத்தை இரு அயனங்களாக பிரித்தனர். உத்திராயணம்= தை மாதம் முதல் ஆனி மாதம் முடிய; தக்ஷிணாயனம் ஆடி மாதம் முதல் மார்கழி மாதம் முடிய; 12 மாதங்களை 6 ருதுக்களாக பிரித்தனர். சித்திரை, வைகாசி=வஸந்தருது; ஆனி, ஆடி=க்ரீஷ்ம ருது; ஆவணி, புரட்டாசி=வர்ஷ ருது;

ஐப்பசி, கார்த்திகை=சரத் ருது;மார்கழி,தை=ஹேமந்த ருது; மாசி, பங்குனி=சிசிர ருது.


இருபத்தேழு நட்சத்திரங்கள் பெயர்= அசுவதி, பரணி, கார்த்திகை; ரோஹிணி; ம்ருகசீர்ஷம்; திருவாதிரை; புனர்பூசம்; பூசம்; ஆயில்யம்; மகம்; பூரம்; உத்திரம், ஹஸ்தம், சித்திரை, சுவாதி; விசாகம்; அனுஷம்; கேட்டை; மூலம்; பூராடம்; உத்திராடம்; திருவோணம்; அவிட்டம், சதயம், பூரட்டாதி, உத்திரட்டாதி ரேவதி.


இந்த 27 நட்சத்திரங்களை 12 ராசிகளுக்குள் அடக்க வேண்டும். 12 மாதங்கள் ஒரு வருடம். ஆதலால் ஒவ்வொரு நட்சத்திரத்தையும் நான்கு பாதங்களாக பிரித்தனர். மொத்தம் தமிழ் வருடங்கள் 60. திரும்ப திரும்ப இதே பெயர் வரும்.

இந்த 27 நட்சத்திரங்களை ஸங்கல்பம் செய்யும் போது இம்மாதிரி சொல்ல வேண்டும்; அஸ்வினி, அபபரணி; க்ருத்திகா;ரோஹிணி;; ம்ருகசீர்ஷ;அர்ர்த்ரா; புனர்வஸு; புஷ்ய; ஆஶ்லேஷா; மக; பூர்வ பல்கினி; உத்திர பல்குனி; ஹஸ்த; சித்ரா; ஸ்வாதி; விசாகா; அனுராதா; ஜ்யேஷ்டா; மூலா; பூர்வாஷாடா; உத்ராஷாடா; ஶ்ரவண; ஶ்ரவிஷ்டா; பூர்வப்ரோஷ்டபதி; உத்திரப்ரோஷ்டபதி; ரேவதி;,.

7 நாட்களை ஸங்கல்பம் செய்யும் போது இம்மாதிரி சொல்ல வேண்டும்:- ஞாயிறு=பானு வாஸரம்; திங்கள்= இந்து வாஸரம்; அல்லது ஸோம வாஸரம்; செவ்வாய்= பெளம வாஸரம்; புதன்= ஸெளம்ய வாஸரம்; வியாழன்=குரு வாஸரம்; வெள்ளி= ப்ருகு வாஸரம்; சனி= ஸ்திர வாஸரம்.

யோகங்கள்=27; விஷ்கம்பம்; ப்ரீதி; ஆயுஷ்மான்; ஸெளபாக்கியம்; சோபனம்; அதிகண்டம்; சுகர்மம்; திருதி; சூலம்; கண்டம்; விருத்தி; துருவம்; வியாகாதம்; ஹர்ஷணம்; வஜ்ரம்; ஸித்தி; வ்யதீபாதம்; வரீயான்; பரிகம்; சிவம்; சித்தம்; சாத்தியம்; சுபம்; சுப்பிரம்; பிராம்யம்; மாஹேந்திரம்; வைத்ருதி.


கரணங்கள்-11. பவம், பாலவம், கெளலவம்; தைதுலம்; கரசை; வணிசை; பத்திரை; சகுனி; சதுஷ்பாதம்; நாகவம்; கிம்ஸ்துக்னம்;. இதில் முதல் 7 கரணங்கள் சரம்; கடைசி நாங்கு கரணங்கள்=ஸ்திரம்.

30 திதிகள் கொண்டது ஒரு மாதம். (சுக்ல பக்ஷ, க்ருஷ்ண பக்ஷ திதிகள் சேர்ந்தது.) திதி என்பது சூர்யனுக்கும் சந்திரனுக்குமுள்ள இடைவெளியை குறிக்கும். வாண மண்டலத்தில் மொத்தம் 360 பாகைகள் ( ஒரு வட்டத்திற்கு 360 டிகிரி) உள்ளதாகவும், ஒரு திதிக்கும் மற்றொரு திதிக்கும் உள்ள இடைவெளி 12 பாகைகள் எனவும், சூரியனிலிருந்து 180 பாகையில் சந்திரன் வரும்போது பெளர்ணமியும், , சூரியனும், சந்திரனும் ஒரே பாகையில் வரும் போது அமாவாசை வருவதாகவும் வான சாஸ்திரத்தில் சொல்ல படுகிறது.


கிழமைகளில்- புதன், வியாழன், வெள்ளி இரு கண்கள் உள்ள நாட்கள்=சுப காரியம் செய்ய உத்தமம்; ஞாயிறு, திங்கள்-ஒரு கண் உள்ள நாட்கள்=சுப காரியம் செய்ய மத்திமமான நாட்கள்; செவ்வாய், சனி= இரு கண்களும் இல்லா நாட்கள் ஆதலால் சுப காரியம் செய்வதை தவிர்க்க வேண்டும்.


மொத்தம் 27 நக்ஷத்திரங்கள்:- ராசி மண்டலத்தில் மொத்தம் 360 பாகைகளில் ஒவ்வொரு நக்ஷத்திரமும் 13 பாகை-20 கலைகள் கொண்டதாகும். ஒவ்வொரு நக்ஷத்திரத்திற்கும் 4 பாதங்கள் வீதம் 108 பாதங்கள் உள்ளன. ஒவ்வொரு ராசிக்கும் 2.25 நக்ஷத்திரம்=( 9 பாதங்கள்) 12 ராசிக்கும் பிறித்து கொடுக்க பட்டது.


யோகம்;- இந்த யோகமானது நக்ஷத்திரங்களை போலவே 27 ஆகும். வான மண்டலத்தில் சூரியன் செல்லும் தூரத்தையும், சந்திரன் செல்லும் தூரத்தையும் கூட்டி இந்த யோகங்கள் கணக்கிட படுகின்றன. நக்ஷத்திரத்தை போலவே ஒரு யோகத்தின் அளவு 13 பாகை, 20 கலை யாகும்.




இந்த யோகங்கள் வேறு. அம்ருதாதி யோகங்கள் வேறு. அம்ருதாதி யோகங்கள் கிழமையும், நக்ஷத்திரமும் இணைவதால் கிடைப்பவை. அம்ருத யோகம், சித்த யோகம், மரண யோகம் பிரபலாரிஷ்ட யோகம் என்று வரும்.

கரணம்:- கரணம் என்பது திதியில் பாதி ஆகும். முப்பது நாட்களில் 30 திதிகள். (கிருஷ்ண பக்ஷம், சுக்ல பக்ஷம்) ஆதலால் கரணம் 60 பகுதி ஆகிறது. இதில் 4 பகுதிகளை 4 ஸ்திர கரணங்கள் எப்போதும் ஆக்கிரமிக்கின்றன. கிருஷ்ண பக்ஷ சதுர்தசியில் இரண்டாவது கரண மான சகுனி கரணமும், அமாவாசையின் முதல் கரணமான சதுஷ்பாதமும் , இரண்டாவதாக நாகவமும் , சுக்ல பக்ஷ ப்ரதமையின் முதல் கரணமான கிம்ஸ்துக்ண கரணமும் , எப்போதும் வருவதால் இவை நான்கிற்கும் ஸ்திர கரணங்கள் என்று பெயர்.. இந்த நான்கு ஸ்திர கரணங்களும் நற்காரியம் செய்ய ஏற்றதல்ல.


மீதமுள்ள 56 பகுதிகளை மீதமுள்ள 7 கரணங்களும், சுக்ல பக்ஷ ப்ரதமையில் 2 ஆவது கரணமான பவ கரணத்தில் ஆரம்பித்து சுழற்சி முறையில் 8 முறை ( 8இன்டூ7=56) வந்து கிருஷ்ண பக்ஷ சதுர்தசியின் முதல் கரணமான பத்திரையில் முடிவடைகிறது. ஆகையால் இவை சர கரணங்கள் என அழைக்க படுகிறன.

[kgopalan90]

பஞ்சாங்கம் படித்து செய்வதனால் ஏற்படும் பலன்கள். நல்ல திதிகளில் செய்யும் காரியங்கள் லக்ஷிமி கடாக்ஷத்தை கொடுக்கும். நல்ல கிழமைகளில் செய்ய படும் காரியங்கள் ஆயுள் விருத்தியை கொடுக்கும்.

நல்ல நக்ஷத்திரங்களில் செய்ய படும் காரியங்கள் பாவங்களை நசிக்க செய்கின்றன. நல்ல யோகங்கள் பார்த்து செய்ய படும் காரியங்கள் சோகங்களை நாசம் செய்யும். நல்ல கரணங்களில் செய்ய படும் காரியங்கள் அந்த காரியங்களில் வெற்றி யடய செய்கின்றன.



பஞ்சாங்கம் என்பது வாக்கிய முறை, திருக்கணித முறை, எபிமெரிஸ் முறை என்ற மூன்று விதங்களில் கணிக்க படுகிறது.

வாக்கிய பஞ்சாங்கம் என்பது ரிஷிகளால் கணித்து சொல்லபட்ட சூத்திரங்களை அடிப்படையாக கொண்டு கணிக்க படுகிறது.

திருக்கணித பஞ்சாங்கம் என்பது கோள்கலின் வட்ட பாதையில் அவ்வப்போது ஏற்படும் இயக்க நிலை வித்தியாசங்களை கணக்கில் எடுத்துக்கொண்டு கணித அடிப்படையில் கணிக்க படுகிறது.

எபிமெரிஸ் பஞ்சாங்கம் மேல் நாட்டு முறைப்படி கணிக்கபடும் பஞ்சாங்கம் ஆகும்.

தமிழ் வருடங்கள் மொத்தம் 60 ஆகும். இது பிரபவ முதல் அக்ஷய வரை திரும்ப திரும்ப வருகிறது. எல்லா பஞ்சாங்கங்களிலும் இந்த 60 வருட பெயர்கள் இருக்கிறது.

தேவர்களின் பகல் நேரம் உத்திராயணம்; இரவு நேரம் தக்ஷிணாயனம். .நமக்கு ஒரு வருடம் தேவர்களுக்கு ஒரு நாள்.

60 வினாடிகள்=1 நாழிகை; 60 நாழிகை=1 நாள்=24 மணி நேரம்.; 1 நாழிகைக்கு 24 நிமிடங்கள்;

நமக்கு ஒரு நாள் என்பது இன்று ஸூர்ய உதயத்திலிருந்து நாளை ஸூர்ய உதயம் ஆரம்பிக்கும் வரை உள்ள நேரம் ஆகும்.

பஞ்சாங்கங்களில் கொடுக்க பட்டிருக்கும் நாழிகை-வினாடிகள் எல்லாம் அன்றைய ஸூர்ய உதயத்திலிருந்து கணக்கிட பட வேண்டிய நேரங்கள் ஆகும். ஸூர்ய உதய நேரங்கள் இடத்திற்கு இடம் மாறுபடும். மாதத்திற்கு மாதம் வேறுபடும்.

எந்த ஊரில் சுப காரியம் நடைபெற இருக்கிறதோ , அந்த ஊரின் ஸூர்ய உதய நேரத்தை கணக்கில் கொண்டு நாழிகை, நக்ஷத்திரங்கள் போன்றவைகளின் நேரங்களை கணக்கிட வேண்டும். பஞ்சாங்கத்தில் அந்தந்த ஊர்களின் ஸூர்ய உதய நேரம் கொடுக்க பட்டிருக்கும்.

ராகு காலம், யம கண்டம், குளிகன் போன்ற நேரங்கள் ஸூர்ய உதயம் காலை 6 மணி என்ற பொதுவாக கணக்கில் கொண்டு பிரசுரிக்க படுகின்றன. மேற்கண்ட நேரங்களை அந்தந்த ஊரின் ஸூரிய உதய நேரத்தை கணக்கில் கொண்டு அதற்கு தகுந்தாற்போல் கூட்டியோ கழித்தோ கணக்கிட பட வேண்டும்.

சில தினங்களில் இரண்டு யோகங்கள் கொடுக்க பட்டிருக்கும். சி/ம அல்லது ம/சி அல்லது ம/ அ என்று கொடுக்க பட்டிருக்கும். அவ்வாறு வரும்போது முதல் நக்ஷத்திரம் எவ்வளவு நாழிகை உள்ளதோ அவ்வளவு நேரம் வரை முதல் யோகம் பிறகு இரண்டாவது யோகம் என்று கொள்ள வேண்டும். சித்த அம்ருத யோகங்களில் நல்ல காரியங்கள் செய்யலாம். மரண யோகத்தில் செய்யக்கூடாது..

அகஸ் என்று ஒரு காலம் பஞ்சாங்கத்தில் இருக்கும். ஸூர்ய உதயதிற்கும் ஸூர்ய அஸ்தமனத்திற்கும் உள்ள இடைபட்ட காலத்தின் பகல் பொழுது நேரம் இது. வைகாசி ஆனி மாதங்களில் பகல் நேரம் 13 மணியாக வரும். ஐப்பசி கார்த்திகையில் பகல் நேரம் 11 மணி ஆகவும் உத்தேசமாக வரும்.

பொதுவாக ஒரு நாள் என்பது 60 நாழிகை; பகல் 12 மணி நேரம்; இரவு 12 மணி நேரம். இன்று ஸூர்ய உதயத்திலிருந்து மறு நால் ஸூர்ய உதயம் வரை. பகல் நேரத்தை 5 பிறிவுகளாக பிரித்தார்கள். காலை 6 மணி முதல் 8-24 மணி வரை ப்ராதஹ் காலம் எனப்பெயர்.

8-24 மணி முதல் 10-48 மணி வரை ஸங்கவ காலம் எனப்பெயர்.; காலை 10-48 மணி முதல்மதியம் 1-12 மணி வரை மாத்யானிக காலம் எனப்பெயர். மதியம் 1-12 மணி முதல் மாலை 3-36 மணி வரை அபராஹ்ண காலம் எனப்பெயர். மாலை 3-36 மணி முதல் மாலை 6 மணி முடிய ஸாயங்காலம் எனப்பெயர்.

அந்தந்த ஊரின் ஸூர்ய உதயம் நேரம் முதல் 6 நாழிகை=2மணி24 நிமிடம் சேர்த்து கொண்டு பார்க்க வேண்டும். இந்த 5 காலங்களில் அபராஹ்ண காலத்தில் தான் நாம் சிராத்தம் செய்ய வேண்டும். நாம் சிராத்தம் செய்ய வேண்டிய திதி சிராத்தம் செய்யும் நாளில் மாலை 3-36 மணி வரையில் இருந்தால் அன்று சிராத்தம் செய்யலாம். 3-36 மணிக்கு மேல் இருந்தாலும் அன்று தான் சிராத்தம். மறு நாள் மாலை 3-36 மணி வரை சிராத்த திதி இல்லாவிட்டால் முதல் நாளே சிராத்தம் செய்ய வேண்டும்.

ஆதலால் திதி மாத்திரம் பார்த்தால் போதாது. திதி எத்தனை நாழிகை உள்ளது என்பதையும் பார்க்க வேண்டும்.சிராத்த திதி அன்று 24 நாழிகையோ அல்லது அதற்கு மேலோ இருந்தால் அன்று தான் சிராத்தம். தற்கால பஞ்சாங்கத்தில் ஸ்ரா திதி என்று அல்லது வாக்கிய சிராத்த திதி என்று காலம் கொடுத்து எழுதி வருகிறார்கள். அதில் உங்கள் சிராத்த திதி வர வேண்டும். அன்று தான் சிராத்தம் செய்ய வேண்டும்.

சில இடங்களில் சூன்ய திதி/ அதிதி/ ப்ர;துவி என்றும் சிராத்த திதி காலங்களில் வரும்.

அதாவது மறு நாள் அபராஹ்ன நேரத்தில் சிராத்த திதி இல்லை. முதல் நாள் அபராஹ்ண நேரத்தில் சிராத்த திதி உள்ளது. முதல் நாள் தான் சிராத்தம் செய்ய வேண்டும்.

முதல் நாள் அபராஹ்ன காலத்தில் சிராத்த திதி இல்லை. மறு நாள் அபராஹ்ண காலத்தில் சிராத்த திதி உள்ளது, சிராத்தம் மறு நாள் செய்ய வேண்டும்.

அடுத்து ஒரே தகுதி உள்ள இரு நபர்களில் யாரை தேர்ந்து எடுப்பது என்ற குழப்பம் வருவது போல் இரு நாட்களிலும் அபராஹ்ண காலத்தில் ( 19 முதல் 24 நாழிகைக்குள் இருந்தால்) முழுமையான சிராத்த திதி இருந்தால் எந்த நாளில் சிராத்தம் செய்வது. போதாயன மஹரிஷி சொல்கிறார். திதி க்ஷயமா அல்லது திதி வ்ருத்தியா என்பதை பார்த்து தீர்மானம் செய்ய வேண்டும் எங்கிறார். அப்போது திதி க்ஷயம் என்றால் என்ன? திதி விருத்தி என்றால் என்ன? என்று பார்க்க வேண்டி இருக்கிறது.

பொதுவாக திதியின் மொத்த முழு அளவு 60 நாழிகை. பொது நிர்ணயம். பகல் 12 மணி நேரம்; இரவு 12 மணி நேரம். ஆனால் வைகாசி ஆனியில் பகல் நேரம் 13 மணி . இரவு நேரம் 11மணி. ஐப்பசி கார்த்திகையில் பகல் மணி நேரம். இரவு 13 மணி நேரம் என்று வருகிறது. ஸூர்யன் கிழக்கிலிருந்து வடகிழக்கிற்கு செல்கிறது. பிறகு கிழக்கு வந்து தென் கிழக்கு செல்கிறது.

பஞ்சாங்கத்தில் நாம் ஏதாவது ஒரு நாளின் திதி நாழிகை பார்க்க வேண்டும். அதற்கு முதல் நாள் திதி நாழிகை; அதற்கு மறு நாள் திதி நாழிகை எனப்பார்க்கும் போது திதிகளின் நாழிகை அதிகரித்து கொண்டு வந்தால் திதி வ்ருத்தி என்றும், திதி நாழிகை குறைந்து கொண்டு வந்தால் திதி க்ஷயம் எனவும் அறிய வேண்டும்.

அதாவது அடுத்த திதி க்ஷயமானால் முதல் நாள் சிராத்தம், திதி வ்ருத்தி என்றால் மறு நாள் சிராத்தம் என அறிய வேண்டும்.

சிராத்த திதி முதல் நாள் அபராஹ்ணம் தொடங்கும் நேரத்தில் ஆரம்பித்து மறு நாள் அபராஹ்ணம் முடியும் வரை இருந்தால் திதி க்ஷய நாட்களில் முதல் நாளூம், திதி வ்ருத்தி நாட்களில் மறு நாளும் செய்ய வேண்டும்.

இரண்டு நாட்களிலும் அபராஹ்ண காலத்தில் திதி இல்லாமல் இருந்தால் முதல் நாள் ஸாயங்காலத்தில் உள்ள முதல் நாளே சிராத்தம்.

மனு சொல்கிறார்:- சிராத்த திதி இரண்டு நாட்களிலும் அபராஹ்ண வ்யாப்தி இல்லாமல் இருந்தால் முதல் நாள் 6 நாழிகைக்கு குறைவில்லாமல் இருந்தால் முதல் நாள் சிராத்தம் செய்ய வேண்டும். இரண்டு நாட்களிலும் சிராத்த திதி அப்ராஹ்ணத்தில் வெவ்வேறு அளவு வ்யாபித்து இருந்தால் என்றைய நாளில் அபராஹ்ணத்தில் திதி அதிக நேரம் இருக்கிறதோ அன்று தான் சிராத்தம். எங்கிறார் மரீசி மஹரிஷி.

இரண்டு நாட்களிலும் அபராஹ்ண காலத்தில் ஒரே அளவாக ஒரு பகுதியில் மட்டும் சிராத்த திதி இருந்தால் திதி க்ஷயமானால் முதல் நாளும் திதி வ்ருத்தியானால் மறு நாளும் செய்ய வேண்டும். மிகவும் அபூர்வமாக இம்மாதிரி வரும் போது உங்கள் வாத்தியாரை கேட்டு செய்யவும்.

ஒருவருக்கு வெள்ளி கிழமை இரவு 3 மணிக்கு மேல் நான்கு மணிக்குள் தூக்கத்தில் ப்ராணன் போய் விட்டால் வெள்ளி இரவு 4 மணிக்குள் இருக்கும் திதியே சிராத்த திதியாகும். வெள்ளி கிழமை மாலை 6 மணிக்கு ப்ராணன் போனாலும் அப்போது உள்ள திதியே சிராத்த திதியாகும். இரவில் உடலை எரிக்க முடியாது, ஆதலால் தஹனம்=உடல் எரிப்பு மறு நாள் தான் செய்ய வேண்டும். தஹனம் செய்த நாளை முதல் நாளாகக்கொண்டு 13 நாட்கள் காரியங்கள் செய்ய வேண்டும். 45 ஆவது ஊனத்திலிருந்து இறந்த நாளான வெள்ளிகிழமை முதல் கணக்கு எடுத்துக்கொள்ளலாம்.

நேத்திரம்; ஜீவன் என பஞ்சாங்கத்தில் போட்டிருப்பார்கள். இரண்டிலும் முழு எண்கள் இருந்தால் உத்தமம். ஏதேனும் ஒன்றில் பாதி என்று இருந்தால் மத்திமம். இரண்டிலும் 0 ஆக இருந்தால் அதமம்.-சுப காரியங்களுக்கு ஏற்றதல்ல.

யோகினி:- எந்த திசையில் ப்ரயாணம் செய்யலாம் அல்லது கூடாது என்பதை குறிப்பவை. இது பற்றிய விவரம் பஞ்சாங்கத்திலேயே கொடுக்க பட்டிருக்கும்.

ஒரே நாளில் இரண்டிற்கும் மேற்பட்ட திதிகள் வந்தால் அந்த நாளில் அவமா (அவமாகம்) என்று குறிப்பிட்டு இருப்பார்கள். ஒரு திதி மூன்று நாட்களுக்கு தொடர்ந்து இருப்பின் திருதினஸ்ப்ருக் என்று பஞ்சாங்கத்தில் குறிப்பிட்டு இருப்பார்கள். இந்த நாட்களில் சுப காரியங்கள் செய்ய க்கூடாது என்பது ஆன்றோர் வாக்கு.